السلام عليكم

از يوجولي
مشحوت من منتدى ثاني عيبني

هههههه لانه يخص الشباب


(المستحيلااات الخمس عند الشباب)





1.مستحيل تلقاه فالبيت بعد الساعة 9؟؟ لزوم الهياته والسهر ..حد تلقاه فالاسواق..حد ف العزب..وحد فالسكيك (تقول ما عندهم بيوت)..وحد راكب هالسيارة وحليلها ويداوربها فالشوارع ..والا من شريط ميحد حمد لين بن روغة ..



2.مستحيل يعيش بدون موبايل؟؟ اصلااا موبايلاتهم ما يسكتن كل 10 دقايق يرن..وحد ع الخط الثاني..والتيلفون الثاني يرن..عااد اتعرفون لييش ( ما يحتاي اقوول)



3.مستحيل يطلع وكندورته راقدة؟؟ لازم واقفة وان مر عدالج سدي ذنيج من كثر الصدعة تقول قراطيس مب كنادير ..



4.مستحيل يعيش من دون عطورات؟؟وبتلقينه حتى الفانيله اللي داخل يعطرها ..العطر ما يتم اسبوع الا وخلص..



5.مستحيل ما يحلم انه يكون معرس؟؟ لأنه اليوم الوحيد اللي يحس فيه انه حد عاطنه ويهه ..



ياللا خبروني صدق


والسلام ختام

شجون البدو وولاوطان

والله بقول الحق عن نفسي


1.مستحيل تلقاه فالبيت بعد الساعة 9؟؟ هذه صحيحه ويمكن لو اقول انها من 8 اكون صادق لكن مو هياته والله بالاستراحه

2.مستحيل يعيش بدون موبايل؟؟ مو بس الشباب اي شخص مايستغني عنه نهائي.

اصلااا موبايلاتهم ما يسكتن كل 10 دقايق يرن ؟؟؟ لا والله ممكن يجلس باليومين ما احد يتصل

..وحد ع الخط الثاني..والتيلفون الثاني يرن.. هذا صحيح تليفونين لكن والله مقفل 24 ساعه



3.مستحيل يطلع وكندورته راقدة؟؟ اما هذه مافهمتها لكن انا دايم ملتزم بالزي الرسمي شماغ وعقال .

4.مستحيل يعيش من دون عطورات؟؟ انا ما اقدر عيش بدون عطور ويشهد الله من حبي لروائح العطور فقط لا غير مجنون عطور.


5.مستحيل ما يحلم انه يكون معرس؟؟ اما هذه لو صار ماصار مافكرت فيه ومستحيل افكر فيه نهائي لأنه كل شئ بوقته حلو

واذا ربي كتب لي بيصير اما افكر فيه من سابع المستحيلات .

ومشكوره على التعليقات عن الشباب ووعدكم خير يالبنات انتظروا موضوع عنكم ههههههههههههههههههه