بسم الله الرحمن الرحيم
بسب التضامن والاتحاد بيننا والمشاركة في كل صغيرة وكبيرة وعدم الافتراق منذ بداية المرحلة الابتدائية حتى الان في الجامعة ...
تم تلقيبنا بالمافيا
عصابة المافيا مكونة من شلة سبع بنات
وهن كالتالي

رئيس المافيا :.....
هي ((*(( أميرة الخليج ))*))
مساعد المافيا :.....
هي ((*(( شجون البدو ))*))
والباجيات هن :....
بنت البدو
روح المحبه
بنت الايوادي
اتاشا
اسيرة الدموع
اسيرة الحب
صفاتهن
رئيس المافيا :.....
هي ((*(( أميرة الخليج ))*))
صفاتها : دوم تضحك (تنكت) وتتخرف ماتسكت ( كلامها درر) يقولون بالعه رادو ادا نبا منها شي هي تساعدنا بس ماتطلب مساعده من حد ساده عمرها... ونستشيرها في كل شي (والله العظيم ما اكذب ) اذا نبا نروح بقعة عندنا مقابله او طلب من مسوؤل او سؤال نشلها عندنا وهيه تتكلم بدالنا , لانها جريئه وعندها اسلوب . وتخاف انها تجرح باقل كلمه او حركه واحيانا يوم تمزح تخاف ان الناس يفهمونها غلط.. اقدر اقول انها اطيب قلب بالعالم وموليه ما تنسى اهل المعروف ودوم تفلسف ويقولون عنها مثقفه وهي صدج كذيه اما عن الابتسامه مالتها يقولون مميزه .
لو عرف اقصد بقصد فيها بس الحمدالله ما اعرف حاتيها تغبط شكلها ههههههههه .
( يعني عن صدج رئيسه دومها مسيطره على الوضع تمام )
مساعد المافيا :.....
هي ((*( شجون البدو ))*)
صفاتها : ماتقول لا.....اذا قالها حد شي بتقول ( طاح الشور , او شجون البدو ماتقول لا ) تحب تساعد البنات حتى لو كان على حسابها وهي طيبه وحبوبه وشكلها طفولي. دوم تحب تنكت وتشحف وما تخلي حد في حاله وتعلق على خاطف الدرب بس هذا ما تسويه غير يوم يتولفن هي واميرة الخليج لانهن دوم رباعه مايتفرجن .وهي كلامها دفش ولا تحمل شي اسمه رقه . ودووووم كووووول ع طول ..وشعارها طنش تعش اشرب بيبسي وانتعش ..
الباجيات هن
بنت البدو
صفاتها نوبه هيه تضحك ..ومن تضحك خلاص ما شي يسكتها ..وايد طماشه وتقلد فؤاد في طاش ما طاش ...سبحان الله كنه هوه يتخرف ... واهي والله تدخل القلب بسرعه ..طيبه وحرمه ما ينخاف عليها ..وبس يوم يتولفت اهي وشجون والله ما اقول غير حدوا عن دربهن ...يظحكن طول الطريج ..متفاهمات ومسميهن دكتورهن التوأم

روح المحبه ..
اهي داهيه ..طيبه بس يوم تعصب حدوا عن دربها ..تراها تدمر اللي ناكده عليه ...وعيبها انها مزاجيه ..مره هاديه ومره مسويه اعصار هائج ....بس ما شاءالله عليها ما شي ولا تعرفه ..وباااااااارده ع الاخر ولو ينجعون سيارها قنبله ..خبر خير ما كنه شي مستوي ...عادي عندها فري ..وبعد ما تخاف من شي مره مسوين فيها مقلب اللي يكون مكانها الحين في قبره من الروعه بس هي والله ما تاثرت ويلست تضحك علينا ..وتقولنا يالخبلات متفيجات ..بس ما ننلام ذاك اليوم كان بباكر عندنا امتحان ..يعني خرفنا شوي..ما اشاءالله تفهم وايد وتعابل الكمبيوتر لعمرها وتخترع الذره عليه ..( الله يعين الاب توب من ولية روح )
اما الباجيات ما يدخلن المنتدى:
لانهن مب من هواياتهن يدخلن المنتديات
يعني ماتعرفونهن بس للعلم
بنت الايوادي
صفاتها يوم الضحك طماشه وقت الجد جديه وحرمه ما ينخاف عليها , تعتمد على نفسها ولا يعيبها تاخذ عمل مب مشاركه فيه .
اتاشا
صفاتها : تحتشر اذا عندها شي ماخلصته وما شاء الله تخلص قبل العالم كله يعيبها التضريب والتدفيش ( الله يعيني ) وهي على نياتها .
اسيرة الدموع
بااااااااارده وايد و ترمس لين الفير ( الصبح ) وعقب الصلاه ترقد ويعيبها الشيبس بس لازم يكون ممزور كتشب ورقيقه وايد ما تعرف تضرب .......... كل حد يسترهيها .
اسيرة الحب
يوم تجعد عندها ماتبا تخوز طماشه..... نسميها المرأه الحديديه ما شاء الله ماحد يقدر عليها ودوم تناجر اسيرة الدموع وتضربها .....ويوم باكر تصبح اسيرة الدموع كل جسمها يعورها .,والحين انا وهي نفس التخصص تقريبا بس نفس المساقات ..
وهاي اسامي عصابة المافيا ( البدويات )
للعلم بس الدكتور مال ESP هو اللي سمانا كذيه لانا نحضر رباعه ونغيب رباعه ..صدج شله ..ومواقف وايد مستويه ..

ونوبه يحضرن بعضهن اذا غابت وحده من الشله
والسلام ختااااااااام
شجون البدو

احم احم
وش السالفه

تستعرضين بشلتك انتِ

خخخخخخخخخخخخخخخخخ
تسلمين خيتو


أقوول عندي سوال
وش معنى سكان بالامارتي ؟؟<< ضروري يبي يعرف هههههه

تسلمين اخيتي ولا عدمناكِ

تقبل مني اجمل تحيه

اخوك ِ

المــــ.(درب).ـــاركــــ.(الأحزان).ــــيــز JuSt OnE LoVe AlL I NeDd

لا نستعرض عضلات

العفو خو شما

معنات سكان ..تعرف اللي تحركه بس السياره بالاتجاهات اهو ويسمونه ستي رنج اذا تعرفه واذا ما فهمت قول لي

ما شاء الله عليكم

شله حلوة

تسلمين اختي شجون

تحياتي لج

"وحداوية تخبل"

العفو اختي وحداويه

الصراحه الرئيس عجيب ......... يا عيني عليه طبعا الي هو انيا

اكيد ما درح روحه وش مرربوحه

حمدي ربك اني انا وروح ما طردناك من العصابه

هههههههههههههههههههههههه


شجون شنو رايكم نسوي لكن مسميات لكم هني


يعني مافية ابن الخليج


الله لايفرقكم آمين

والله تم يا ادمن حلو مافيه ابن الخليج

امين اجمعين

يا حي بنات المافيااااا!!!!!!

وانشاء بس هب ناويات تفجروني ولا تفجرن المنتدى
خخخخخخخخخخخخخخخخخخخااااااااااااااااااي

انا بصراحه احتج يعني لازم الرئيس يكون من الجنس الخشن لانكن رقيقات وما بتعرفن تصرفن امورجن
يعني باختصار شو رايكن اكون انا الرئيس
شجون اكيد ما بتقولين لا صح

يسلمو اختي شجون ع هالموضوع

وبانتظار مخططاتكم الارهابيه