| بعض روائع الشاعر سعد ال سعود
بعض من روائع الشاعر الكبير سعد ال سعود
يقول القلب
ابد والله..سـمـعت بطـــاري عيونك وجــيت اغليـــــك
=يقول القلــب سلمــلي عـليـه ويطلـب وصالــــك
حبيبـي وش تقــــول بــعاشـــقٍ قصة غــرامه فيـــك
= نســا الدنيا ومن فيهـا وجا ينشــــد عن احوالـــك
حــبيبـي جيــت لمـصــافـح مواعــــيد الـفــرح بيديـــك
= وجيـت اعطي يمــينك حب ماتدريبـه شمالــــــك
اشوفـــك واسـمعــك قبل اعـرفك واشــتاقلك وابيـــك
= واحس آمال عـمـري من عرفتـك تشبه امالــــك
انا ماعشـــت قبل اعيش بحســاسـك وقــبل اجيـــــك
=حبيبـي جيتـك بقــلـبـي ولو ماجيتـلــك جالـــــك
احاسيســي كريمـــه وانت تســــتاهل كـــرم غاليـــك
= ترى لوماشرقت شمسك وصل رحت اتبع ظلالك
يقــــولــــون الـــعـــــرب دارٍ بـلا مغليــــك ماتــغـــريـك
= واقـــول انـك بليــا حب كـنـك عايـــش لحالـــــك
انا لاجيت اسولف عن شعــــوري قمت اسـولف فيـــك
= وانا ادري رغـم كل الشوق ما مـريت في بالـــك
دريت ان الغـــــــــلا مثل القــــــدر يرضــــيك لويبكيـــك
= ولاينفعـك بـعلـوم الغـــــــلا عمــــك ولاخالـــــك
ما بين الحـــلـم والواقـــــع يصيبـك حظــي ويخطيـــك
=متى تصبــح نصيب اللي وقـف بـآمالـه اقبالــــك
ولاتزعـل من اللي لازعل منّـك رجع يرضيــك
= ولا تطـــري كـلام البـعـد .. فال الله ولا فالـــــك
انا لوماتذكــــرتـك غلا .. جاب الغــــلا طــاريـك
= تعيـش وتسلم لقلـــبٍ على كف الغـلا شالــــك
اطالع وجهك المشرق امل .. وعيوني تنـاديـك
= واقـــــول الله ثـم الله لا يـحــرمنـي وصـالـــــك
حـديـث الحـب
انا ما عيش معــك الــــحب .. اعيش الحـب كله فيـك
= انا وان كنـت عــنـك بعيــد .. لكن معــــك واحيابــــك
تعيــش بكل احاسيسي وتفكيـري واعيــش اغليـك
= تحسد الحـــب لو تسمـع حديث الــــــروح بغيـابــــك
تزاحـم فالخفوق قلــــوب يســـري نبضــهـا بيـــديـك
= انا كـيف اختصــر فيك الشعــــور بحضــرة احـبابـــك
ســكنـت ارض الغيـاب وكــل سيــره للوفــا تـرويـــك
=عـيونـك مــوطن وغــربه .. عيونــك موطـن اغـرابـك
احبك .. لو تســـافربي على درب التعب وامشيـــك
=حبيـبــي في زمـان البـعـد قــلبي اصدق اصحـابــك
احبك.. جــــرح ما يبــرى عسى بعض الألم يرضيـك
= ولّـــون بالرضـــى عينـي وســـيل دمعـــــة عتـابــك
حبيبــي .. في ظــلام الــشوق كل النور ما يضــويك
= انا صفحـــــاتك البيضـا وانا اصـــدق حـــرف بكتـابــك
فرشــت العمـر لايامـــك اســــابـق ليلتي واجيـــك
= وعــرفت ان الغـــلا خطوه وانا واقــــف على بابـــك
جفـــون الغيـم لو تمطـــر دريت ان الثرى ضـاميـــك
=ودريت اني بلا مـــوعـــد .. زرعت الحلــم باهـدابـك
اجمل حبيبه
عنـدي شعـور اني اعـرفـك من سـنين
= ما انتـي علـى قلبـي وعينـي غريـبـه
بعيـــونــك الحــــلـوه تضيــــع العنـاوين
= لا تسـأليــنـي كيـف شفـــتـك قريـبـه
شفت الفــرح يابنـت في حـلـم قلبـين
=وبعيـون قلبـي شفتـك اجمـل حبيـبـه
في ليـل شعـرك ليـل مـاشـافتـه عين
=كنــه يحـــذر عـاشـقـــه من نصيـــبـه
وش ينقصــك ..والـزين خـلالـك الــزين
= يا للي جـمـــعتي بـين رقــه وهيــبـه
القلــب صــار قــلـوب وانتي مـحبـيــن
=غـلاك ضـــاقــت بـه صــــدورٍ رحيـبـه
الـوصــل وصلـك .. والجفا يـوم تجـفين
= لقيـت فيـك الشـوق قبـل التـقي بـه
الحبيب
يـا حـبـيــبي .. لـو تكـــون ابعـد حـبـيــــب
=الـمـهـــم اكـون مـن قـلـبــــك قـــــــريــب
احـتـضـــنـي فـي حــــدودك وانـســـنـي
= اقـهـــــــر الآمــــــال.. لــكـن لا تـغـــيــــب
انـت جـرحـــــي وانـت لـجــــــروحـي دوا
= مـا سـمــــعــت بقلـب من جـرحـه يطـيـب
في رجــا فـرحــه يحـاصــــرهـا الـــعـذاب
= يـا نصـيبـي.. كـيــف ما رضى بـالنصــيـــب
حـبـك الـــلي قـبـــل احـبــــك .. حبـنـي
=كـل شــــيٍ فـي.. قـــــال انـك حـبـيــــب
حـبــــك الـلي مـن شـتـــــــاتـي لـمـنـي
= مـن عـرفتـك مـا شعـــــرت انـك غــــريب
الـغـــــــلا والله مــا يـغــــــلـى عـلـيـــــك
=والـــوفــا ايـام عـمــــــره مـا تـشـــــيــب
الـســـــؤال الـلــي امــــوت ولا يـمــــــوت
= كـيـــف اكــون الـحــب وتكـون الـحـبـيــب
ارجوان تنال علي اعجابكم
| 
المواضيع المتشابهه 
العرض العادي
