هلا والله ,,

اخواني وخواتي الطيبين ..
حبيت اغير من طبيعة المواضيع الي نحطها ,, وكتبت هالموضوع ..

اقول .. من الحين ...
ما ابغي أي حد يزعل من هالموضوع .. او يحط في خاطره ,,
ترى كل الي اكتبه مزح .. اوكيك

+++++++++++

في أحد الأيام ...... في منتدى ابن الخليج ...
كان المنتدى ربشه ,, وصارت وايد أشياْ .......



شوفوا شو صار ,,,,,,,,,,,,,,


*+*+*+*

وطن: ADMIN شو هالورطه ,, كيف ادش لوحة التحكم ؟؟
ADMIN: يا بابا .. انت حشرتني ,, كل يوم تتورط بشي !!! ...... افففففف اوكي اوكي ,, بطرشلك الطريقة في الخاص .. اوكي !! .. بس لا تحشرني بعدين .. عندك وولف قوله كل الي تبغي تعرفه ..
لمسة فن : ههههههههه.. وطنوووووووه .. لا تعدب ADMIN ولا اكفخك ..
ميمو: كككككك.. تكفخينه ؟؟؟ والله لا يذبحج قبل لا تكملين وصيتج كككككككككك..
وطن: يعني لازم تتدخلون ؟؟ .. ويا ويوهكم .. مالكم دخل ,, انطموا واسكتوا ..
لمسة فن : ادمن شوفهم ..كلهم حاطين حرتهم علي...
:ADMIN بااااااااااااااااااااااااس .. اسكنوا صدعتولي راسي ,,
:WOLfبس عاد ,, عن الحشرة والكلام الزايد .. ادمن ,, متى بتحط مواضيع ؟؟
ADMIN : ياربييييييييييييه .. زين زين .. والله بحط ,, بس اسكتوا عني ,,.....(( يقول في خاطره )):: الحين انا اهتم في الموقع ولا احط مواضيع !!! مممممممم من وين اييبلهم موضوع واستهم ؟؟؟ ....... (( يبحث في المواقع )) ... اووووه .. هالموضوع حلو .. بحطه الحين ..
لمسة فن : اوه .. ادمن حاط موضوع ... ياسلام ياسلام .. بشوفه ................................آآآآآآآآآآآآآآآآآآ آآآآآه .. خوفني هالقطو ..
ADMIN: ههههههههههه ,, لمسوه .. عجبتج الصورة الي في الموضوع ؟؟؟
لمسة فن : يالدب .. والله الصورة خوفتني ,, اوكي اوكي ..يالقطو .. بس الموضوع معيود هاهاهااااااااااااااااي ..
ADMIN: بلييييييييييييييه .. ويا ويهج لا تفضحيني .. والله اني مشغول حيييل .. ويدوب الجق احل مشكلة بالسيرفس وتطلعلي مشكله ثانية ... يعني عالأقل قدروا تعبي شوي !!!

لمسة فن : هههههه .. والله امزح معاك .. سوري .. بس ابغي ارفع ضغطك شوي .. امزح
وطن: ياسلااااااااااااااااااام .. ايوا .. ايوا .. سولفوا سولفوا .. اراويكم .. بتشوفون ,,
لمسة فن: شوووووووو .. شو اراويكم بعد ؟؟؟ انت قرب من ادمن وشوف شو بييك ... يالبطة
:THE ONE هههههههههااااااا ,, بدينا هواشه !!!
ميمو: لمسووووه .. أنا وياج ,, كفخي وطنوه الدب عدل .. وكفخيه عني بعد ككككككككك..
KING : ميمو يالدبة .. انتي سكتي ولا تتدخلين ,, وأنا مع حبيبي وطن .. ويا ويلكم ان لمستوه ..
ميمو: مالت عليك .. يالدب ...
KING : مالت على ويهج يالعيوز ..
لمسة فن: فديييت ميمو والله .. لا تغلطون عليها..
وطن: جب جب .. انتي وياها ,,
ميمو: جب في عينك يالدب ..
THE ONE: بلييييييييييه .. شو السالفه اليوم ؟؟؟ ليش كل هالهواشة ؟؟؟!!!
روح زايد: مرحبا ,,,,, تبوني اساعدكم في الضرابه !! ترى اخوي مدربني حديد .. تراني معضله ...
قلب الأسد: هاهاهاهاها... والله تموتون الواحد من الضحك ..
الباشا: ياجماعة .. استهدوا بالله واكرمونا بسكوتكم ..
Gulf Soul: اييييييييييييييييه .. انا من الصبح احط مواضيع وانتوا تتهاوشون !! ... روحوا ردوا على مواضيعي .. يالله بسرعه..
الريم: هلا والله ..
ميمو: أهليييييييييين بالريم .. شيخة الحريم ..شخبارج ؟؟
الريم: هلا ميمو .. انا تمام .. شو السالفة ,, شو صاير ؟؟
لمسة فن: هلا والله حبيبتي ريموه .. شوفي وطن .. ل يقولي يالدبه ويا الدبه ..
الريم: وطنووووووووووووه .. يالدب .. لا تغلط على حبايبي البنات ..
THE ONE: يا هلا ريموه .. ولا تسألين عني .. ولا تسلمين ولاشي .. اوكي اوكي ..
الريم: هههههه ,, ذاون ؟؟؟ انت هنيه ؟؟ ,,, انا توقعت انك بالسجن للحين ..
ميمو: كككككك.. الريم .. انتي ما تدرين ,, أصلا هو للحين بالسجن ,,بنخليه فترة الاجازة كاااااااملة ..مابنطلعه ,,
الريم: هههههههه.. خليه يستاهل ... أقول بنات .. بتروحون معاي السوق ؟؟
THE ONE: ميمو الدبة .. اراويج ...ريموووووووووه ,, يبتج عون .. فمتيلي فرعون !!! اوكي اوكي ...
وطن: انا زلعان منكم .. ما اكلمكم ..
THE ONE: هاهاهاااااااا ,, وطنووووووه .. الناس يقولون (( زلعان)) ولا ((زعلان)) ؟!؟!؟! ,,,
لمسة فن: ههههههه ,, ذاون .. بسرعه حط التنقيعه في هاك الموضوع (( دفتر التنقيعات )) ....
وطن: جب جب جب .. انت وياها .. انا قلت ما اكلمكم ..
Gulf Soul: بتدشون مواضيعي .. ولا اسطركم واحد واحد !!!؟؟؟...,,,
وطن: انا الحين برد على مواضيعك ..بدل ما اكلم هاييل الي ما يستاهلون ويه ..
لمسة فن: احترم نفسك يالدب ......... اووووووووه نسيت اني ما اكلمك يالبطة ..
THE ONE: لمسووووه .. وين توقيعي ,,؟؟؟
لمسة فن: جطيتلك اياه في قسم التصاميم ..أقول ,,,, شاركوا في المسابقة .. اوكيك ..
قلب الأسد: لمسوه .. حطيت مشاركتي .. انا أول واحد ..
لمسة فن: ماشاء الله عليك .. سريع ..انا الحين افتح الموضوع ........ وااااااااااو .. خطير يا قلب الاسد .. بس لو تحط عليه جملة وتحط اسمك تحت .. عشان يكمل التصميم ..
قلب الأسد: اوكي ..
لمسة فن: انتظر ابداعك ..
ميمو: لمسوووووووه .. أنا بشارك في المسابقة .. وأكيد تصميمي الي بيفوز ..
لمسة فن: أوكي حبيبتي ,, انتظر تصميمج ... تعالي تعالي .. وين مشمشي ؟؟,,, ما دش من يومين !!!
ميمو: اوه .. نسيت اقولج .. مشمشوه يسلم على كل اهل ابن الخليج .. ويقول انه شوي مشغول .. وأنا بقوله عن المسابقة ... أكيد بيشارك .. لأنه يحب التصميم ..
لمسة فن: تسوين خير حبي ,, اتريا ابداعاتكم ,, لوكيك
فقير قلم: سلملم... لمسوه .. وين توقيعي ؟؟
لمسة فن: فقير قلم؟؟؟؟ .. يا اهلين ,, وينك ؟؟ انا حاطه توقيعك من يومين .. وانت للحين ما تدري ؟!؟...
فقير قلم: اوه .. سوري ...الحين بشوفه ,,
لمسة فن: اوكي .. شوفه وقولي اذا عندك ملاحظات عليه ..
ADMIN : لمسوه .. حطيت مشاركتي في المسابقة .. شوفيه ,,
لمسة فن: ياسلاااااااااام .. شو هالفن .. شو هالذوق .. والله وعليك حركات يالمبدع .. التصمييم حلو ..
ADMIN : هههههه .. حلو ؟؟ ,,, تسلمين حبوبة ..
WOLF : ياعيني ياعيني .. ادمن اخاف احسدك .. التصميم روعة ..
وطن: الله الله .. ادمن .. والله تصميمك روعه .. سولي توقيع ,,
لمسة فن .. شوفوا تصميمي .. ابغي اعرف رايكم .......... وطنوه .. انا بسويلك توقيع يديد .. وابغيك تشارك في المسابقة .. يالمبدع ..
وطن: مو انتي ما تكلميني ؟؟؟؟
لمسة فن: ياربيييييييييييه ,, اوكي اوكي .. سوري .. رضيت !!
وطن: يعني تكلميني الحين ؟؟؟
لمسة فن: هيه اكلمك .. ولازم تشارك في المسابقة .. وتظهر ابداعاتك الي خاشنها ..
وطن: اوكي ,,
لمسة فن: يالله انا في انتظار ابداعاتكم يالمبدعين .. اوكيك
ميمو: لمسوووه .. حطيت تصميمي ,, ومشمشوه بيقول انه طرش تصميمه على ايميلج .. ويبغيج تحطينه في الموضوع ..
لمسة فن: اوكي حبيبتي .. الحين بفتح الايميل ,,
ADMIN : هلا ميمو .. تصميمج حلو..
(( فتحت لمسوه الايميل ,, وخذت التميم وحطته في الموضوع ))
لمسة فن: ياسلام عليك مشمشي ,, تصميمك حلو ..اقول .. اخوااني ,, شوفوا تصميم مشمشي الحلو ,, ويالله ابغي الكل يتفاعل معانا ,, ولا تبخلون علينا بإبداعاتكم ..اوكي ..

*+*+*+*+*+*+*+*+


وهذا كل الي صار ...
ترى مش كله صدق .. بعض الاشياء صارت ,, والباقي من نسج الخيال ..



وترقبوا ...............>>>>>>>>> ((( *+* سوالف أهل ابن الخليج...... الجزء الثاني *+*
)))


اختكم..
لمسة فن

هاهاهاهاهاهاههاا


والله بموت من الضحك


الله عليج مصممتنا


مختصر مفيد


ياعيني عليج


مشكوره اخيتي

ههههههه

مشكور يالغالي عالمرور ،،


وترقبوا الجزء الثاني

اوكيك

انا اعترض ليش طلع عني اشاعات ا

هاهاهااااااي ،،

يالدب ،، انا كتبت اخر شي ان مش كل الاحداث صارت ،،،

اوكيك

الجزء الثاني

انا حتى بالجزء الاول مدخليني سجن

ههههههههههههههههههههههههه

ههههههههههههههههههههههه

علعموم يعطيج العافيه

اخت

لمسة فن

موضوع جديد وحلو وننطر الجزء الثاني

هههههههههههههه

ذاون،،

انت اصلا محكوم عليك سجن مؤبد،،،هههههههههه

مشكور عالمرور

احلى شى بالموضوع ان اسمى ما دش بينكم وعقبال ام المعارك انشالله

هههههههههههههههههههههههههههههههه
لمسة فن الله يشفيج يالخبله

العقل من الله

كل هذا يطلع منج ...؟
ياما تحت السواهي دواهي
لووووووووووووول

بس فكره رهيييييييبه يالدبه

يعطيج العافيه

تحياتي

اوسكار ،،،
لا تستانس وايد ،، هالمره نسيت احطك ويانا ،،
الجزء الثاني ،، انت البطل فيه خخخخخخ...




وطنوه يالبطه الدب ،،، أنا خبلة ؟!؟!؟!

اوكي اوكي ،، ماعليه ،،
شوف شوبخليك في الجزء الثاني ،، اراويك يالبطة