مستعجلة .. مستعجلة
جيتك وأنا كلي وله
منهو أنا ..
مو مشكلة
لاجيت تكتبني تسمَّع ( مذهلة ) ..!
خلّك معي ... حتى وأنا مستعجلة
أبغى أطيعك .. وأمنعك
قلبي كبير
حلمي كسير
الا صدودك .. في النهاية ما اقبله ..!
|×|
لو خـطـيـت مـسـامـحـك من غير عـذر ٍ بـيّـن !
بـسّ أنت الله إيـهـداك ! .. ورح .. بـدون إســاءه !!
هـدّني !! من غير " أورّيـك " و " تشوف " و " هـيّـن "
ع الأقـلّ بـ حـقّ هـ " الـعـشـره " ! .. وحـقّ أداءه !!
ودام مـنـت بـ محـترمـها ! .. فـرصه ومتحـيّـن !
إحـتـرم جـسـم الـغـلا ! .. الـمـتنـاثره - أشـلاءه - !
الصيف قرّب وأشوفك تطري السفره
حسبي على الصيف كانه يبعدك عنّي
ليتك ولد كادحين وحدّهم .. عمره!
ماكان أوروبا خذتك بيدّها . منّي !!
|×|
( .... ) ذي تعريف ثاني عن الموت
يا لعنبوها سيرة ٍ .. ماطرتها
هي حسّ ميّاده ليا جرّت الصوت
لا قالت آنا بعشئك .. وإبتدتها
هي حسّ فيروز إن تغنّت فبيروت
لا قامت تردّد نغم .. سلطنتها!
هي خوخ هي رمّان هي تين هي توت
يا بخت كبد ٍ لا تهيّت .. كلتها!!
|×|
ليتك من أوّل لـ إعتــذاري .. تسمّعت؟
ماكنت هـ الحـين إتّنشّدني .. إش قلت؟؟
مشكلتك إنّك .. بـ الـــنهــايـه تسرّعت
مشـيت حتى ما .. شتـمت .. وتململت!
|×|
تدري إنسى؟ وأنا أنسى وإعتبرها نصيب
مثل حكم القصاص فـ مستحقّ .. القصاص؟
حبّك أكـبـر من .. إنّي أعتبرك الحبيب؟
لإنّي أحسّ إنّي ما أستحقّك ... خــلاص؟
|×|
أذكرك لا هبّ من نجـد العذيّـه ريحـك
وآتفاجا في دموعـي تنتثـر مـن عينـي
وأطلب الله يعتقك ممّـا جـرى ويبيحـك
خايف ٍ ياخذك من سبّـة ذنوبـك فينـي!!
|×|
وش مزعلك لا يكـون النـاس ومواجـه
بعض الوجيه الي نظرها بـس يوجعنـي
قد قلت لك : سجّـة المحسـود منهاجـه
خلّك عن نفـوس فـي نيرانهـا طعنـي
وإن كان قصدك تبي من عندهـم حاجـه
خذني على السوق وأجلب نفسي وبعني؟!؟
|×|
أخاف من مـوت المشاعـر ولا أخـاف
من موت نفسـي لأنهـا شـي مكتـوب
أخاف لا نكبـر علـى الحـب ويعـاف
وتصيـر شـي ٍ فيـه ماهـو بـ مرغـوب
ونرمي حمول الحب من فـوق الأكتـاف
ونبدّلـه تبديلـة الـثـوب .. للـثـوب !!
|×|
تعال يا من في .. جحيـم إقترابـه
أبرد من جنان البعـاد .. وأحبّـه
تعال .. قبل الشوق يفقـد صوابـه
والعقل أرفض حوزتي له .. وأذبّه
تعال .. ندفـن غرستـك للكآبـه
ونعمل سوى بحر الجنون .. ونطبّه!
|×|
يووه ما أصغر زعلتك منّك علي ويووه ما أكبر منزلك
يوووه أحبّك ياحشاشة جوفي المذبوح لـك والله لنـا
شوف يا إنّك تحزم ضلوعك وتقلتني أو إنّـي أقتلـك
ياممات ٍ في شرف وألاّ حياة ٍ ياحياتـي فـي هنـا؟؟
|×|
أبيك انتي
تجيني .. من ورا سور المدينة ريفْ
تجيني .. لو سحابة صيفْ
تبللني
تطهِّرني
تهدِّيني تنام الليل في عيني
ترجِّع أول سنيني
طفل ولهان
زرع في طاقته
وردة .. وخلا قلبه البستانْ
أبيك انتي
|×|
أنثى أنا ..
وانتَ مواعيد الهنا
آخر طريق لوحدتي
وأول قصيد لقسوتي
تبكي عليّ ..؟!
وش في يديْ
أنثى قوية ظالمة ..!
ابقى معي ..
اليوم بس ابقى معي
عبث طفلة صغيرة حالمة ...!!
أنثى أنا ..
تعرف متى تستعمركْ
تعرف متى تستثمركْ
لكني الليلة أجيك..
غير الليالي كلها
عبث طفلة صغيرة حالمةْ
ابقى معي ......!!
اليوم بس ابقى معي
|×|
ابغى اتطهر منك والثم توردك
حمرة خجل أو دم ما يفرق القصدْ
أغليك وأنزف جرح لا جيت أعاندك
بس الحقيقة ضد يحتاج له ضد
|×|
تقارنيني فيه تب تجرحيني .. ؟!
ماعاد يبقى جرح يشتاقك خصام
مات الأمل عندي مثل ما تبيني
ميت قريب ومبتعد صدقه أوهام
أبغى أدفن الذكرى قبل تدفنيني
آنا وكل اللى مضى شهوة أحلام
|×|
ما بي أحد وانتي هنا
لا تسأليني من معي
لاتسألي حتى ولو عن ظلَّنا
أبيك بحروفك حنين
وابيك بحساسك تجين
تبللّيني بالمطر
و تطوّقيني الياسمين
أبيك ياكل السنينْ
اللي لمطرها ننتظرْ ..
جوعااااااااااااااان أقلك وش تبينْ
جوعان أعدل.. أي شيء ..
أحذف وأضيفْ
ما ني ضعيفْ ..
قادر وقلبي يحتمل
تدللي من غيرك انتي لا تدلل ينقبل
شوفيني متحفِّز لحرفك بشربهْ ...
شوفيني أنسخ وأكتبه ...
شوفيني وشلون العصافير افعيوني غافية
حتى يديني ترتعش .. وش همني دامك معي ..
|×|
أبيكِ إنتَ ..
بدال الليلْ .. أبي صوتك يجيني صبحْ
وأبيك إنتَ بدال الجرحْ
تسولفلي .. عن اللي قبل ما أشوفك يحبونك
عن اللي بعد ما شفتك يهابونكْ
أبيك إنتَ .. تصوَّر لو تكون الجرحْ ..!
|×|
أجيه بآخر الشارعْ
أجيه الشاعر البارع
يغنيني ..!!
يناديني
وأنا مبهورْ
ياربي كيف ها العصفورْ
قدرْ يقطف غصون النورْ
وأنا الشاعر ..
عجزت ألمّ من ضعفي
شظايا قلبي المكسورْ ..!!
|×|
أنا عاشقْ
قبل هذي الحروف وذي
ومن عشقي بديت أهذي ..!
جمعت لحسرتي فالليل نجم الصبحْ
وعشت بعطرها فالصبح ضحكة جرحْ
أبي أكتبْ
وأبي أشطبْ
وأبي أرجع من الأولْ
أقول أحبْ ....!!!!!!
|×|
الـ ع ـنوان
أحس برعشتك .. خوفك
من اللي صار ..
أكيد البارح احتجتي لأحد مثلي ..
ومن بعدي .. ما بعدي بعد ولا قبلي ..!
أنا اللي أعرف إحساسكْ ..
وأعيش الخوف بأنفاسك ..!
وأنا اللي قبل السفر ...
تحريتكْ
ولا جيتي ..
وصرت أخاف من بيتي ..!!
وسافرت ...
|×|
أقولك شيء ؟ مدري ليه أحبك ذروة آلامي
أحب انك تجافيني ولا أرضى في مجافاتك
تعبت أجرحك واحبك ..تعبت أقطف لك أنغامي
من غصون الألم وردة .. ثراها من معاناتك
تعبت أقول شوفيني عشان أعميك بابهامي
وإلى من دمَّعت عينك مسحت الدمع بسكاتك
أحبك كثر ما أخونك .. وأخونك بس قدامي
أدافع عنك وآنا اللي نسف أجمل حكاياتك
|×|
ماقلت أحبك .. بس ضمّيت بعضاي
آخر حروفك .. واحتسبتك بقية
اذكرك صيف .. وأجمعك فآخر شتاي
ألقاك قبلة .. واتولاك نيّة
|×|
ترى كل الكلام اللي .. يعدّونه عن أهل الحب
إذا جيت أتسمّع شِفْت صمت العاشقين أسمى
متى كان السفر .. غيمة وعنوان الأماني كذب
إذا كان العطش صحرا ..وميراد السراب أظمى
04-13-2007, 01:17 مساءً 
×| ... ما بـ ع ـدي بعد ولا قبلي ..! ... |×| 
المواضيع المتشابهه
العرض العادي
