[align=center]
يضرب مثل ((قو الجبل باحتمالـه))..
وتذكر على فعل الصناديد الاقـوال..
عز الرجل لا جاه ضيـق ارتكالـه..
حتـى ولـو ماهـوب للهم محتـال..
روقي ومشـراف المراجـل رقالـه..
لا زال فوق الطيـب ياهيـه لا زال..
روقي ضرى بالطيب عز وشكالـه..
ماردته رجليه عـن دوس الاهـوال..
النجر تسمـع بالمضـارب عوالـه...
والحيل لا جا الضيف دمانها سـال..
رجالنـا بالطيـب يدفـع ريـالـه..
ماهمنا عند الكـرم جمـع الامـوال..
حتى فعـل يمنـاه تجهـل شمالـه..
يعطي عطا يمناه بالجـود باهمـال..
حتى و لو من فقر الامـوال طالـه..
ما حسب حسابه ولا كـال مكيـال..
ياويـل منـهـو بالمـلاقـا قبـالـه
يبشر بطعم الموت لاشـك فالحـال..
شيـخ الشيـوخ أليـا نوينـا قتالـه.
ماغمـض بليلـه ولازان مقـيـال..
.حنا شربنا الجـود حتـى الثمالـه...
يوم البشر فالجود بانواع و اشكـال...
حتـى قليـل الشـان نرفـا خمالـه.
لا زاد في حكيه (( يجي الرد بافعال))
حنا كما بـرق ( ن) تـلالا لحالـه..
وحنا الوضوح فيوم كل البشر (( لال))
اطباعنـا فالسلـم صـب البيـالـه..
ومن قبلها للضيف (( به صب فنجال))
قبيلنـا بالحـرب ياشـيـن فـالـه..
ورجالنـا حقـه ثمانيـن رجــال..
لاتل سيفـه ثـم فـزع لـه عيالـه..
كنه يبيع العمر في سـاع(( بهبـال))
ثم (ن) قصد جمع غفيـر(ن) عنالـه
ثم فرقه ياطيـب فعلـه اليـا قـال..
فعل الولد ماهوب مـن طيـب خالـه
فعل الولد طيبـه مـن العـم والخـال
:: منقول::[/align]
المواضيع المتشابهه
العرض العادي
