نفتح صفحة جديدة بمقاس 350 × 350 بيكسل

نضيف طبقة جديدة

بأداة التحديد نرسم إطار ، وبأداة الدلو أو التعبئة نلونه باللون الأسود

وراح نحصل على الشكل التالي




بأداة التحديد مجدداً ، نرسم مربع داخل المستطيل الأسود

شوفوا الشكل التالي




من الكيبورد نضغط على الزر Delet أو Del

او ممكن نطبق هالخطة عن طريق Edit >>> Cut

راح تختفي المنطقة المربعة اللي حددناها وتظهر بهالشكل




راح نضيف ظل للفريم اللي سويناه ( خطوة اختيارية )

من طبقة الفريم الأسود بالزر الأيمن نختار Blending Options

تفتح نافذة جديدة نختار منها Drop Shadow




شوفوا اللي راح نحصل عليه




نضيف طبقة جديدة .. وبالفرش راح نعمل حركات حلوة

نختار اللون الأبيض .. وفرش حلوة ونلون أو نطبع الأشكال اللي نبيها على الفريم

لازم نتأكد ان شغلنا على طبقة جديدة غير الفريم نفسه عشان في حال التراجع

مجرد نحذف الطبقة


انا اخترت فرشاة وطبعت الشكل اللي ابغاه وهذي النتيجة




لازم نتأكد من نظافة شغلنا ونحذف اي جزء من لون الفرش اللي استخدمناه وكان خارج مساحة الفريم

على طبقة الفريم ، نضفط بزر الماوس + Ctrl من الكيبورد

راح يتحدد الفريم معنا بالكامل ..

نختار التالي Select >> Inverse

راح تنعكس منطقة التحديد

نحافظ على التحديد موجود ونختار الطبقة اللي استخدمنا فيها الفرش

راح نلاحظ التحديد بالشكل التالي




لما نتأكد ان احنا فيها .. نختار من الكيبورد Del أو من Edit >> Cut

بهالطريقة يكون الفريم جاهز للاستخدام

نفتح الصورة اللي راح نستخدمها فيها وبأداة التحريك نسحبها للفريم

نرتب طبقة الصورة بحيث تكون ورا الفريم مباشرة

ونعدل أبعادها عشان تكون مناسبة عن طريق Edit >> transform

(( شرحنا الطريقة بالكامل مسبقاُ ))

بعد مانعدل مقاس الصورة ، نحفظ العمل

راح يظهر عندنا بالشكل التالي




أنا اشوف ان الفكرة حلوة ، انتوا شرايكم ؟


طبعاً اختيار الفريم باللون الأسود ونفس الشي بالنسبة للون الفرش

هالشي راجع لذوقكم

إذا حابين تستخدموا الفريم هذي في عمل معين .. نتبع الخطوات التالية

نفتح الصفحة اللي نبغى نضيف فيها الفريم

الصفحة اللي عملنا فيها الفريم ، نختار منها طبقة الـ backgound

ونختار Layers >> Delete أو نحذفها عن طريق سلة المهملات

راح تتحول خلفية الفريم لشفافة

نختار Layers >> Merge Visible

بهالطريقة نكون جمعنا كل الطبقات بطبقة وحدة عشان يسهل نقلها بدون ماتخرب

الحين بأداة التحريك نسحب الفريم للصفحة اللي نبغى نحطها فيها

وبالبهارات اللي نحبها وإبداعاتكم الحلوة ، نحصل على شغلات أحلى


وهذا تطبيق للدرس في عمل منفرد