السلام عليكم ورحمة الله وبركااته
موضوع جميل
بس ...
بالهجه الحضرميه
الي ما بيفهم الله يعينه
يكلمني واترجم له


سالمين وأبوه
1)عند ولادة سالمين
لبوه راعه ذا الزقر خسرنحنا كل يوم حليب وحفايظ تقول الا العدي أجيبها من الشارع
يوم كنت كماه مابدا يوم خسرت ابوي كماه

2)عند دخول سالمين للمدرسه
أبوي المدرسه طلبو مننا (أبوه يقاطعه) الله يوخذكم انت وأخوانك كل يوم دفتر_قلم
_مسطره يوم كنت كماكم في البلاد كنت أدرس تحت النخل لا ورقه ولا قلم وشوفونا طلعت
رجال

3) عند بلوغ سالمين
شف انتبه تساير سعوديين _ وانتبه تقول لأصحابك الدكان والبيت حقنا
قل لهم الدكان حق كفيلنا والبيت ايجار لا تجيب لنحنا لبشه 0

4)سالمين ارسله ابوه للبقاله يجيب خبز وأغراض للبيت
لعن الله ابوك ذا خبز تجيبه بايت عندينا اجيب الفلوس من الشارع بكم جبت المنقا
سالمين/ اعطاني كيلو ب8 ريال
ابوه/ لعن كناف ابوك على كناف ابوك قمرك يا مهبول ضحك عليك البايع في السعر يابوي يابوي
لانا جبتك بنت كما اخواتك كان احسن انكرف من قدامي مالك عشاء الليله

5)عند بلوغ سالمين سن ال18
شف قلع المشاكل شفنا من يوم خلقت ما بدا يوم دخلت قسم شرطه ولا بدا يوم لقيت مشاكل
قع رجال وقلع الغرام حقك ومسايره الداشرين شفهم ما بينفعونك لا سفروك البلاد
يصفقون لك ولا وقعت مشكله نشبوك فيها ياولد امك

6)عندتخرج سالمين من الثانويه
وصل الاب الظهر من الشغل تعبان وشاف سالمين نيم عصب وقال قم لك تقوم القيامه عليك
نيم لما ذحين لعن الله ابو شظافير اهلك بس ماكل شارب نايم تقول الا اتعب واشتغل
من شان اصرف على ابوك يا كلب الظاهر يوم قسمو المرجله ما حضرت القسمه
أحسن لك لبس شيله وجلس مع امك وخواتك في البيت تفووووو عليك قم طلعت لي الضغط
والسكر

7) عندبلوغ سالمين سن ال22
يابه بغيت لي سياره كما الخلق عندهم سيارات وانا لأ ابوه يرد عليه/قم لك لعنه
قال سياره لا اشتغلت وانكرفت واندرت عرقه من بوستك اشتر لك سياره شفنا تعبت ولميت
الريال فوق الريال من شان اربيكم ولا ركبت سياره الا يوم عمرك 10 سنين بيقع ماتحزر
(يكذب على ولده) وانشد امك ومن يوم ماطلعت السعوديه وانا انكرف واشتغل حتى الغدا
كنت اوكله في قصعة صلصه واعتمدت على نفسي وماحد عطانا شي وانته ألق كماي واعتمد
على نفسك وقع رجال

8) سالمين يشتري كمبيوتر
لعن كور ابوك على كور ابوك بكم اشتريته
سالمين يرد/ماهو غالي اخذته مستعمل ب800
ابوه/ذحين مغروم ولا مهبول لعن ابو ذا اليخر يخرك ذحين اللي اشتريت به الكمبيوتر
لورفعته ياولدي اي تبا بالبلا ذا لا شي فايده منه ولا شي ياولدي اللي توضا به
أشربه لو جمعت عديك حق الكمبيوتر باتكفيك في البلاد 6 شهور والله صدق لاقالو من
عيال السعوديه انزل البلاد وشف عيال عمتك رجال ماهم كماك يالهييس

9) عند زواج سالمين
شف بنت الناس ماهي لعبه وشفنا ما زوجتك الا من شان تترجل شف الزواج ماشي
فيه يمه ارحميني وراك مصاريف وزقور جايين في الطريق أحفظ عديك ولا تصرفها
في شي ماشي منه منفعه لا تخلي الخلق ينقدون فينا ويلومون علينا

10) بعد زواج سالمين بشهرين
شف يا ولدي الحرمه كما الحذي تخلسها وتغيرها اتك على كورها لا تخليها تمشيك عاسهبها
( وهو يهر من ام سالمين) لا طلبت منك شي قلها ماشي ولا قالت لك بغيت السوق قلها
ماعندي حريم يروحون أسواق (وهو كل يوم طالع بأم سالمين السوق) ولا تعطيها على كيفها
وخلك قوي وشخصيتك قويه معها

ملطوووووووووووووش



تقبلوو اجمل تحيه اخووكم


المااركيز

هههههههههههههههههههههه

سالمين كله برطي .بس زين سوي شو يشل حرمته السوق ..خخخخخخخخخخ

مشكور الماركيز على اللطشه على قولتك

تسلمين اخيتي شجوون على المرور العاطر ولا عدمناكِ يا غاليه

تقبلي مني اجمل تحيه اخوكِ


المااركيز

خخخخخخخخخخخخخخخخخخخ


مشكور اخوي درب


وبصراحه ماقريت الموضوع

يؤ يؤ يؤ يؤ يؤ
وليه
؟؟؟؟
على العمووم تسلم على المرور العاطر ولا عدمناك يا الغلا