واحد ندل فتح مصنع بيبسي كتب على كل علبة : رج جيدا قبل الفتح

واحد نذل ابوه طرده من البيت وهو طالع كتب على السور ، مقر حركة طالبان

واحد ندل جاب كاسيت ووقف قدام ملجأ أيتام وشغل أغنية بابا فين

واحد ندل اشتغل في المطافى عبا حنفيات الحريق بنزين

ندل فتح مدرسة للأيتام علشان يذلهم بقى يعمل كل يوم اجتماع أولياء أمور

ندل بيوصي عياله يكونوا في الحياة أندل منه ، تعب وهو في غرفة الإنعاش جت روحه تطلع وعاوز يقول الشهادة قام واحد من عياله وسد بقه

واحد ندل جورج قرداحي اتصل بيه وقال له معنا صديقك وصل نصف مليون ريال محتاج مساعدتك قال: قل له نايم

واحد ندل قعد لمده سنه يتحايل على حبيبته علشان تخرج معاه ولما وافقت رح قال لأبوها

واحدة بقا ندلة بتقول لجارتها الحقيني يا أم محمد بعت جوزي يجيبلي ملوخية راح مخبوط بأتوبيس يالهوي وعملتي إيه ... عملت بامية وأمري لله ...

بلادينا بيقول لبلادينا (أنا تعبان من الروماتزم) رد عليه وقاله (أنا جرجاوي من فرشوط)

واحد راح السودان بالليل ملاش حد

واحد بلدياتنا بيهرج مع مراته فرماها من الدور العاشر فطلعت قالت له والله ما انا لاعبة معاك تانى

مرة واحد غبي ماشى فى الشارع قال يارب يااااارب احط ايدى في جيبى الاقى 10جنيه يااااارب، حط ايده في جيبه لاقاه مخروم رجع يدور عليها لتكون وقعت

واحد صعيدي راح امريكا لقى كل الشباب لابسين تشيرت مكتوب علية سفن
اب كوكاكولا - بيبسي راح كتب على الجلابية عصير قصب

مرة فيه تلاتة مساطيل في خيمة و ماكنش معاهم كبريت فبعتوا واحد يدور على كبريت فخرج من الخيمة ولف من الناحية التانية وسألهم محدش معاه كبريت قالوا أقعد بعتنا واحد يجيب

واحد فافى وهو نازل من البيت أمه سالته رايح فين؟ فقال لها مش هقولك انا حر ، نزل ووقف تاكسى فالسواق ساله على فين يا باشا؟؟؟ قال له يعنى أنا مقولتش لامى هقول لك أنت

واحد بلديتنادخل على واحدصحبه لقاه بيلعب دومينو مع الحمار قاله ياراجل بتلعب دومينو مع الحمار قاله الحمار الى مش عجبكده غالبنى عشرين دور

بلديتنا حب يطور الطيارة الهليكوبتر ركب بدل المروحة تكييف

كان فى تلاتة واحد اسبانى وواحد المانى وواحد صعيدى اتحكم عليهم بالسجن 100سنة وقالولهم
كل واحد قبل مايتسجن ليه طلب واحد بس الاسبانى قال انا عاوز واحدة ست تكون معايا المدة كلها والالمانى قال انا عاوز خمور تكفينى المده كلها والصعيدى قال انا عاوز سجاير بلمونت المهم جم بعد المائة سنة فتحوا على الاسبانى لقوا طالع من الزنزانة شباب وبنات كل الاعمار وفتحوا على الامانى لقوه سكران طينة وفتحوا على الصعيدى لقوا السجاير كلها موجودة زى ماهى وحاطط سيجارة فى بقه وبيقول ماحدش معاه ولعة

مره مدرس تربيه فنيه عاوز يترسم على العيال فى الفصل قالهم انا عايزكم ترسمولى حمار غبى ام جاى واد من العيال قايله طب لو سمحتى يااستاذ اطلع بره عشان محدش يغش

صعيدى أخذ شهادة دكتوراه فقال لزوجته والله ماخبرشى ليه الناس بيضحكوا على الصعايدة أدينى جبت الدكتوراه. فقالت
له زوجته: دق على الخشب عشان العين. فدق على الخشب. فقالت الزوجه مين على الباب؟ فقال الزوج: خليكي
انا حاشوف مين

مرة صعيدى قال لأبوه: عايز آخذ نوكيا قال له:على جثتى حتاخد بنت عمك

هل تعرف من هو اوفي مخلوق؟ نملة مات زوجها الفيل وقعدت طول حياتها تدفن فيه

مره واحد ابنه بلع فتاحة فكلم الدكتور و قال له ابنى بلع فتاحة فقاله الدكتور اقلبه لحد مأجى و بعدين الرجل كلم الدكتور و قالهماتجيش أنا لاقيت فتاحه تانيه

واحد بخيل ابوه مات فراح يعمل نعى فى الجرنان
فقالهم :أقل حاجه عندكم ايه
قالوا له : سطر واحد خمس كلمات،
قالهم : اكتبوا رزق ينعى ولده،
قالوا له : لسه ، فاضل كده كلمتين
قال لهم : و يصلح راديوهات

ولد راح للبقال قال له عندك جبنة رومى قال له أيوه قال له طب إدينى بجنيه حلاوة. تانى يوم جاله نفس الولد قاله عندك عيش فينو قاله أيوه قال له طب إدينى بجنيه عيش بلدى. ثالث يوم جاله نفس الولد وقال للبقال عنك زيتون أسود قاله أيوه قاله طب إدينى بجنيه خيار مخلل.
البقال زعل جداً وراح يشتكى الولد ده لأبوه وقاله ابنك بيعمل كذا كذا. رد الوالد وقاله :- آه من الولد قليل الأدب ده .. إنت عندك عصاية رد البقال أيوه قاله خلاص إضربه قلمين

زهقان تزوج من وحدة زهقانة، خلفوا ولد سموه افففففف

مرة مدرس رياضة اتجوز مدرسة رياضة خلفوا ولد " متساوى الساقين"

واحد بلدياتنا شال جرس الباب وركب فيبريشن

مرة 10 اغبياء بيلعبوا على الطريق الصحراوى واللي تخبطه العربية مرتين يطلع برة اللعبة

واحد قالو له الحق مراتك قاعدة مع صاحبك في البستان راح جاري ورجع على طول وقال لهم هم شجرتين عملتوهم بستان والراجل طلع لا صاحبي ولا اعرفو

واحد مسطول ماشي في البيت خبط فأمه .. قالتله ايه ما شفتنيش .. قالها شفتك بس مش فاكر فين

واحد أعمى فتح من الفرحة اتشل

سواق تاكسى نايم مراتة دخلت علية بالليل وقفلت الباب بشويش..صحى قال لها افتحية واقفلية تانى

واحد صعيدي بيدهن الحيطة .. قالوله حط جرنال تحتيك .. قالهم لأ أنا كده طايل كويس

تحياتي