على فكره يا جماعه القصه روعه

و تحكي عن واقع بعض الشباب الدلوخ

اللي ما يفهمونها و هي طايره

يعني تراه ما ابعد عن الواقع اللي عايشينه بعض الناس

اتمنى تعجبكم

ابطال القصه

الزوج الفنان موادع ، الزوجه بنوته كيوت مع انها ماتحب القطاوة بس ارويكم فيها هههههه
بالاشتراك مع الاخ ناصر الذى قام بدور اخو بنوته ::

*************************************

المشهد الاول :

بنوته كيوت : الفنان موادع ..... يا الفنان موادع..... الفنان موادع ......... الفنان موادع وينك
الفنان موادع: هااااه
بنوته كيوت: وينك
الفنان موادع: هذاني في المبطخ


ــــــــــــــــــــــــــــــــــــــــــــــــــ ــــــــــــ


المشهد الثاني

في المطبخ

بنوته كيوت : وش تسوي في المطبخ
الفنان موادع يناظرها وهو يعرم له خياره : زي منتي شايفه قاعد اغسل ثوبي وشماغي .
بنوته كيوت: هههههههههههههههههههههههههههه
الفنان موادع: اندري عنتس يعني بالله الواحد وش يسوي في المطبخ اكيد يدور شي ياكله ميت جوع
بنوته كيوت: طيب شف وش رايك بالفستان اللي علي ( بنوته كيوت خذت لفه حولين نفسها )
الفنان موادع: هههههههههههههههههههههههههههههههه ايه والله وش ذا الفستان وراتس ماخذه ستاره الملحق ومفصلتها
بنوته كيوت: حرام عليك والله حلو
الفنان موادع : وين حلو معه الله يفشلتس لا تروحين به للعزيمه تفشلينا
بنوته كيوت: لمعلوماتك سعر هالفستان غالي
الفنان موادع: لعب عليتس صاحب المحل شاف وحده مخفه زيتس ..... بصراحه يا بنوته كيوت ذوقتس في اختيار الملابس زفت
بنوته كيوت: انت اصلا ما تفهم في الذوق وما فيه شي يعجبك كل شي تقعد تعيب عليه حتى بلوزتي اللي كنت لابستها الاثنين الماضي تقول كنها وزره عبدالمتوكل فراش المسجد وكل زميلاتي يسالوني من وين شريت هالبلوزه ذي
الفنان موادع : يا بنوته كيوت انا اقولتس رايي بصراحه وبعدين ترى فيه بعض الحريم يزينون اللبس
بنوته كيوت: قصدك اني انا اشين اللبس
الفنان موادع: لا مهوب القصد ...... بنوته كيوت ...... بنوته كيوت تعالي.......بنوته كيوت....... لاتزعلين تعالي........ لاحوووول زعلت يا كثر ما تزعل وش اسوي الحين .... مالي الا اتصل على اخوها ناصر

ــــــــــــــــــــــــــــــــــــــــــــــــــ ــــــــــــ

المشهد الثالث

الفنان موادع في سيارته ويكلم ناصر
الفنان موادع: الو ... هلا والله ناصر كيف حالك
ناصر: يا هلا والله وسهلا بخير ولله الحمد بشرني عنك
الفنان موادع: والله ابشرك تمام........اقول ناصر ودي اشوفك اليوم ضروري ابيك بموضوع
ناصر: مشكله ثانيه؟؟؟؟
الفنان موادع: يا حبيلك نبيه تفهمها وهي طايره
ناصر: خلاص عند قهوه المساء الساعه 8 مساء
الفنان موادع: خلاص تلقاني منطق هناك انتظرك
ناصر: على خير ان شاء الله
الفنان موادع: لا تتاخر
ناصر: ان شاء الله
الفنان موادع: لا تنسى تكفى
ناصر: ياخوي ازعجتنا خلاص
الفنان موادع: طيب خلاص مع السلامه
ناصر: طوط طوط طوط طوط طوط
الفنان موادع: اعوذ بالله ضو شابه الله من زين النفس كنه اخته


ــــــــــــــــــــــــــــــــــــــــــــــــــ ــــــــــــ


المشهد الرابع

قهوه المساء

الفنان موادع: وينك ناصر تاخرت
ناصر: حسبي الله على عدوك الساعه الحين 8وخمس دقايق يعني تاخير بس خمس دقايق
الفنان موادع: ولو لازم تتعلم الانضباط وتجي على مواعيدك
ناصر: الحين اللي يشوفك يقول اني متاخر عليك ساعتين ..اخلص بس قل لي وش السالفه
الفنان موادع: السالفه يا طويل العمر باختصار اختك شرت فستان للعزيمه ولا عجبني وقلت كنه ستاره الملحق وزعلت
ناصر: بس كذا السالفه
الفنان موادع: لا وقلت ذوقتس مهوب زين ابد
ناصر:اسمعني اختي وانا اعرفها انسانه حساسه مره ورومنسيه مره وذوقها في الملابس ما فيه احسن منه بس حظها الردي اللي طاحت بواحد جلف زيك
الفنان موادع: افااااا.... ايه افزع مع اختك دافع عنها
ناصر: لا مو مساله انها اختي وانا قاعد ادافع عنها لكن انا اقول شي الصحيح انت رجال جلف والا يوم شفتها لابسه هالفستان وما اعجبك كان جاملتها يعني جبها باسلوب يعني مثلا كان قلت والله حلو وازين ما فيه انتس انتي اللي لابسته همن قل لها بعدين .... فيه محل في السوق الفلاني مدري انتي شفتيه والا لا عنده فساتين روعه تبي تقول لك لا قل لها وش رايتس نروح له بكره وخلاص رح بها للسوق دام فستانها ما اعجبك ..... مهوب تجي وتقول ذوقتس شين ويفشل ومدري ايش اللي يسمعك عاد يقول هذا مره فرزاتشي منزين ذوقك عاد انت الفنان موادع: والله منتب سهل جبتها
ناصر: الحين نروح للبيت ورح وكلمها وقل لها كلمتين حلوين
الفنان موادع: طيب ... ما ودك نطلب شاهي والا قهوه
ناصر: لا ابد ما له داعي ابتقهوي عندكم في البيت
الفنان موادع: يالله اجل مشينا
ناصر: مشينا


ــــــــــــــــــــــــــــــــــــــــــــــــــ ــــــــــــ


المشهد الخامس

صاله بيت الفنان موادع

ناصر: يالله رح ارقى فوق وصالحها زي ما قلت لك وانا انتظرك هنا
ناصر: وشفيك متردد
الفنان موادع: ياخي مدري احس انها مهيب معطيتني وجه
ناصر: ياخوي رح بس ما عليك
الفنان موادع: اسمع عندي فكره وشف وش ابي اسوي ......... بنوته كيوت..........بنوته كيوت............عجلي .....عجلي .....انزلي يا بنوته كيوت.....بسرعه مسلسل الحاج متولي بدى......عجلي انزلي
ناصر: انت متخلف
الفنان موادع: وش فيها انا منول يومي صغير اذا زعلت على اهلي يجون يقولون لي عجل تعال بدت فلونه واجيك طاير مجلعد واطامر كذا كانت طريقتهم اذا بغو يطلعوني من غرفتي
ناصر: طيب نادها من السنترال وخلني اكلمها
الفنان موادع: صح جبتها ..... الو بنوته كيوت تعالي انزلي عندنا اخوتس دوتس كلميه
ناصر: مساتس الله بالخير بنوته كيوت وين الناس ترى لي ساعه منطق هنا ورجلتس ما جاب لي لا شاهي ولا قهوه انزلي خلينا نشوفتس
بنوته كيوت: هلا والله باخوي ناصر دقيقه هذاني نازله لكم
طلعت بنوته كيوت من غرفه النوم ونزلت وسلمت على اخوها
بنوته كيوت: يا هلا والله زارتنا البركه كيف حالك ناصر
ناصر: والله ابشرتس الحمدلله
ناصر: وش لونتس انتي وش لون الفنان موادع معتس
بنوته كيوت: الحمدلله
الفنان موادع: بنوته كيوت ناصر يعرف لتس محل فساتين روووووووووعه
بنوته كيوت: صدق
الفنان موادع: ايه والله توه قايل لي قبل شوي
بنوته كيوت: وش اسمه
الفنان موادع: ايه صح وش اسمه ناصر
ناصر: احم...... بنوته كيوت شكلكم ما ودكم تضيفون ضيوفكم وين الشاهي
بنوته كيوت: ايه لحظه هذاني ابجيبه الحين ( بنوته كيوت راحت للمطبخ)
ناصر: الفنان موادع انت غبي ياخي تو اقول على سيبل المثال تجي وتوهقني وتقول لي وش اسم المحل ولا وتقوله عندها بعد
الفنان موادع: وشو === طايره بوهته
ناصر: يالله عموما انا ابمشي قبل ما تجي وتسالني واتوهق يالله فمان الله.
طبعا انتهى الزعل اللي بين بنوته كيوت والفنان موادع
الفنان موادع جاه انتداب من العمل وسافر واليوم موعد وصوله الساعه 9 مساء


ــــــــــــــــــــــــــــــــــــــــــــــــــ ــــــــــــ



المشهد السادس

وهو في التاكسي
الفنان موادع: السلام عليكم
بنوته كيوت: وعليكم السلام هااه بشر وصلت
الفنان موادع: ابشرتس
بنوته كيوت: الحمدلله على السلامه
الفنان موادع: الله يسلمتس..... اقول جهزي العشا تراي ميت جوع
بنوته كيوت: ابشر من عيوني
الفنان موادع: فمان الله
بنوته كيوت: فمان الكريم


ــــــــــــــــــــــــــــــــــــــــــــــــــ ــــــــــــ




المشهد السابع والاخير

داخل صاله المنزل
الفنان موادع: بنوته كيوت وراتس حاطه شموع عسى الكهرب مهوب طافي
بنوته كيوت: لا ابد مهوب طافي بس حبيت اسوي جلسه رومنسيه جو شاعري يعني
الفنان موادع: بلا جو شاعري بلا جو رومنسي انا منيب رايق للخرابيط ذي ولعي اللمبات تكفين خلينا نشوف طريقنا ونعرف نتعشى
بنوته كيوت: ولعت اللمبات وطلعت فوق زعلانه
الفنان موادع: يا كثر زعل هالحرمه

ابتصل الحين على اخوها
الفنان موادع: الو.. هلا والله ناصر عاش من سمع صوتك
ناصر: هلا والله ومسهلا كن صوتك قريب
الفنان موادع: ايه والله توي واصل الحين هذي دخلتي للبيت
ناصر: الحمدلله على السلامه
الفنان موادع: الله يسلمك اقول ناصر ابيك بسالفه ضروريه
ناصر: يا كثر مشاكلكم
الفنان موادع: ههههههههههههههههههههههههههههههه اقول بس تعال للبيت الحين
ناصر: طيب ثلث ساعه وانا عندك
بعد نص ساعه جا ناصر وضرب الجرس
الفنان موادع: هلا والله تفضل
ناصر: الله يسلمك .... شف خذ هالورده واطلع فوق لها وعطها زوجتك وحاول انك تراضيها وعطها من هالكلام المعسول يالله رح ما يحتاج تقول لي وش السالفه
الفنان موادع: طيب

راح الفنان موادع وطلع فوق وطق الباب
الفنان موادع: بنوته كيوت افتحي الباب خلينا نتفاهم
بنوته كيوت فتحت الباب
الفنان موادع: بنوته كيوت وراتس زعلانه علي هذا استقبالتس لي عموما قبل ما نتفاهم في الموضوع خذي هالورده
بنوته كيوت: من وين جبتها
الفنان موادع: ما جبتها اخوتس عطاني اياهاتحت وقال عطها هالورده قلت يمكنتس انتي موصيته عليها
بنوته كيوت خذت هالوردة ونطلتها في وجه وطلعته برى الغرفه وسكرت الباب

نزل الفنان موادع وهو مستغرب

ناصر: وش صار
الفنان موادع: ابد قلت عطيتها الورده ورمتها في وجهي
ناصر: افاااا شكلها زعلانه بقوه وش قلت لها بالضبط
الفنان موادع: ابد قلت انك انت اللي جبتها يمكنتس موصيته عليها وبس
ناصر: الله لا يبارك فيك ما الومها تزعل اسمع لا تتصل علي ولا تدخلني في مشاكلكم ما قد شفت غباء بالطريقه ذي .... مع السلامه
الفنان موادع : ناصر... تعال ناصر.... لاحوووول والله انا مقرود بهالعايله الزعوله


ان شاء الله تعجبكم خخخخخخخخخخ مع تحيات ابطال المسلسل


الفنان موادع - بنوته كيوت - الاخ ناصر

ههههههههههههههههه

قسم بالله انها تهبل

خطير يالفنان والله وطلعت تعرف تكتب قصص


ههههههههههه صدق اخوي
صدق انه بيكون حظي ردي لو خذيت واحد مثلك
اقول خذ لك كورس تعلم مع اخوي ناصر خليه يعلمك والا تراك فاشل فاشل في زواجك

الحق على عمرك قبل لا تتزوج وتظلم الحرمه


عااااااااد هذي صراحه موتتني من الضحك الله يقطع ابليسك صدق ان الرومنسيه في وادي وانت بوادي

هههههه الله يسعدك بس انتي ماافهمتي لي عجزت انتي واخوك مافهمتوني رقيق المشاعر ههههههههههههههه


بس جد قمة البرائه حيل

هههههههههههه انا واخوي اللى ما فهمناك

يا حليل اخوي حاول يعدلك بس انت ما تتعدل

بالعكس انتم عائله زعوله انا وش طيحني فيكم ههههههههههههههههههه

وختام القصه

طالق طالق طالق


عائله زعوله مو فاهميني رقيق المشاعر هههههههههههههههههههههههههههه

واااااااااو الحمدلله فرحتني

مشكووووووووور

كنت ابيها من الله

روح دور لك ووحده مثلك دفشه

يا حلات الحريه

لااااااااااااااااااااااااااااااااااااااااااااااااا
ليش طلقتها الله يهديك
بس ما عليك الشور عندي
تعوذ من الشيطان ورجعها
انا اكفلها لك
طاعه --- لو تقول لها ارمي نفسك تحت شاحنه أم 18 تاير وكفر وويل ترمي نفسها 000 مطيعه بخليها لك بعد شو بدك احلى من هيييك

رقه ---- تمسك الضب وتفصل راسه عن جسمه بثانيه وحده

طبخ ---- تمسك الحاشي وتنحره وتصلخه وتقطعه وتطبخه بساعه وحده أفا عليك

قويه ---- إذا سار معاك بنشر 00 ماله داعي تحط الجيك 00 اللي تسمونه العفريته لا بنوته ترفع لك السياره وانت غير التاير والكفر والويل والعجله

هادئه --- تجلس معاك عشر ساعات ما تسمع لها ولا نفس 000 بس تنتظرك تامرها

نظيفه ---- كل نصف ساعه تستحم وتاخذ لها شاور

بس تكفه رجعها --0-0-00 تراني ماني دايم لها والدايم الله سبحانه

أعطيك مليون ريال وسيارتي البي أم دبل يووووو بس رجعها وفكنا منها جزاك الله خير

والحرمه مالها إلا بيت زوجها

يلاا بيت زوجك يلااااااااااااااااااااااااااااااااااااااا

لا يعنى لا انا ما برد له

وكل المواصفات اللى قلتها كذب حن برمضان عيب تكذب على الريال


انا ما صدقت اتطلق وانت تبا تردني


لالالالالا


ما برد له


انا بصراحه ما ادري كيف تزوجته

شوفي عاد
لا تقعدين تسوين لي فيها
الكذب من أجل الإصلاح لذات البين حلال
وهذا كف من أخوك الكبير 000 طررررررررباااااااااااااااخ
يلا
يلاا جدامي يلااا شيلي اثيابج وبيت زوجج يلاااااااااااااا
ما عندنا بنات يخربون بيوتهم بإيدهم واحنا نتفرج 000 يلاااا
لك ساعه فقط مافي غيرها تجمعين قشك وأغراضك ولا ابي منك ولااااااااااا نفس
يلاا
أصلا الرجال منته علينا يوم يضفك ويستر عليك
الحرمه مالها إلا بيت زوجها 000 وسئلي أم خماس وأم سعيد يعلمنج الحريم السنع
يلاااااااااااااااااااااااااااااااااااااااااااااااا ااااااااااااااااااااااااااااا
طرررررررررررررررربااااااااااااااااااااااااااخ 0000 وهذا كف ثاني علشان الخد الثاني ما يغار من كف الخد الأول0