مناقشة موضوع التناسي و التغافل نعمه من رب العالمين في ادب و فنون; السلام عليكم و رحمة الله و بركاته .. كيفكم أعضاء ابن الخليج ؟؟ اتمنى تكنون بخير و سعاده صحه و سرور .. و اتمنى اللي كتبته يعجبكم .. ــــــــــــــــــــــــــــــــــــــــــــــــــ ـــــــــــــــــــ ...
السلام عليكم و رحمة الله و بركاته .. كيفكم أعضاء ابن الخليج ؟؟ اتمنى تكنون بخير و سعاده صحه و سرور .. و اتمنى اللي كتبته يعجبكم .. ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ
التناسي و التغافل يمكن يكون لبعض الناس راحه و يمكن مصيبه , و أنا أعتبرها نعمه من رب العالمين , حتى تعطي عدوك فرصه اكبر للحياه ,فرصه اكبر للنجاه , فرصه اكبر للسعاده , فرصه أكبر للتسامح ,فرصه أكبر للهروب من العقاب .. التناسي و التغافل نعمه من رب العالمين حتى ما تنزل لمستوى انسان و اطي , حتى تبقى بكبريائك ,حتى تبقي بشموخك .. التناسي و التغافل نعمه من رب العالمين حتى تريح أعصابك ,ويرتاح فكرك من خيال الانتقام .. التناسي و التغافل نعمه من رب العالمين لازم إنك في حياتك تصادف اشخاص و اشخاص يجبرونك تلعب دور التناسي و التغافل .. التناسي و التغافل نعمه من رب العالمين إذا صادفك السفيه و الجاهل و العدو و الحسود و الحقود لا تعطيهم أكبر اهتمامك العلاج بس هو التغافل و التناسي .. صعبه إنك تسامح, إذا صعبه لا تسامح اسكت و طالعهم من بعيد, و ارحل و اترك وراك طيبة نفسك و سعة صدرك, لا تستفز شعورهم بوجودك ابتعد قد ما تقتدر و على الدنيا السلام ,صعبه إنك تجاريهم بجهالتهم بعداوتهم , كذا ما تِحسّن حالك كذا ساءت كل أحوالك .. التناسي و التغافل في بعض الأمور صار عندي و اجب .. التناسي و التغافل يحفظ لك عزتك و كبريائك .. التناسي و التغافل لازم يوم يتحول للتسامح و للعفو عند المقدره .. التناسي و التغافل بكره يصير نسيان و غفله من عند رب كريم , مهو من عند أحد بخيل , حتى تعرف تعيش , حتى تعرف كيف كنت و انت معاهم , حتى تعرف قد ايش ربي رحمته و سعتك , قد ايش كانت حياتك صعبه و مستحيله بينهم , لكن بالتناسي و التغافل صارت حياتك بينهم ممكنه .. التناسي و التغافل شيء ما تثبت روعته إلا إذا عشته .. التناسي و التغافل ينقلك من واقعك المرير حتى تكون مشاهد يتفرج على مسلسل حياته من بعيد , و يتذكر إن هذا المسلسل قصته و هو كان البطل فيها , ما اعتقد فيه أجمل من كذا احساس .. التناسي و التغافل يلون حياتك بلون غريب, و يعلمك إن حياتك لازم تفتخر فيها , إن حياتك كانت مجرد تضحيات , إن حياتك سطرت فيها أفعال ما احد يصدق إنها اليوم تتسطر .. كيف ما يكون التناسي و التغافل نعمه من رب العالمين .. كيف ما يكون التناسي و التغافل في حالتي واجب .. كيف اسامح ؟؟ إذا هم ما طلبوا مني سماح .. كيف اسامح ؟؟ إذا هم في غلطهم مستمرين .. كيف اسامح ؟؟ إذا هم يشفون إن المظلوم لازم يتنازل لظالمينه .. كيف اسامح ؟؟ راحه لي و راحه لفكري و جسمي المنهوك .. ما عاد باقي أكثر من طعن في الظهور و لا أقل من طعن في الصدور .. أحيانا الموقف يستدعي حضورك , يستدعي إنك تصارخ , يستدعي إنك تقاتل , يستدعي إنك تحارب بأي سلاح مو مهم مسموح و لا ممنوع المهم إنك ترد, بأي شيء ممكن و لا مستحيل المهم إنك تقهر اللي يقهرك , تشفي غليلك من كظم السنين ,تشفي غليلك من كثر التسامح و التنازل , تشفي غليلك من كثر التناسي و التغافل , تشفي غليلك من دموع كانت تمتلي بها العين لين تخفيها , ترفض أنها تنزل , ترفض تبين لهم ضعفك , ترفض إن أي احد يلمحك فيها .. تشفي غليلك من كثر ما شربت من الدموع شيء مالح و شيء لاذع و شيء من كثرة همومك ماله طعم و شيء من كثرة آلآمك منت فاضي تذوقه .. تشفي غليلك من كثر ما تشرق بدمعك مثل اللي يطلب الماء وقبل لا يبلعه يوقف بحلقه , كذا كان دمعك بوسط العين واقف لا هو راضي يسيل و لا هو راضي يجف .. خلاص أرحل بعيد يمكن يكون الحل الأكيد .. خلاص أرحل حتى ما أشوف ظلمي و اسكت , حتى ما أشوف سجّاني و ابتسم له , حتى ما أحد يجبرني أسكت على ظلمي و يجبرني إني ابتسم في و جه من سجني .. يمكن السجّان إذا سجن السجين له مبرراته , و يكمن المسجون يكون هو البريئ , و يمكن السجّان متعمد يظلمه و لا أقولك متعود يظلمه .. آه يمكن انها كلمه من حرفين لكن مع كل آه تخرج حروف كثيره في معانيها كبيره تترتب ذيك الحروف و أشوفها كلمه خطيره .. كل شعوري و كل حواسي تندفع بلحظة غضب و بعد ما أذكر ربي و ش عقوبته بيرضى عني أتراجع و يرتخي كل الشعور, و أمشي لوحدي و أطالع السماء فوق و ش سعتها و ش كبرها خلي قلبك واسع مثلها .. شفت ذيك الطيور اللي تطير بهذي السماء , ضرت السماء و لا السحاب ؟؟ قلت ما ضرت أحد , قال خلاص كذا خلك مع أعدائك ما يضرونك و لا بينفعونك إلا بشيء ربي كاتبه لك .. و ارخي راسي و أطالع في الأرض و اشوف الرمال على صغر حبة الرمله إلا إنها بكثرتها تنشاف و ما تنعد إلا انها غطت ديار و ديار .. و على كثر ذيك الرمال إلا انها دافيه وقت الدفى وبارده و قت البروده .. خلي التسامح عندك كثر حبات الرمل اكيد و يجي يوم من كثرة ما تسامحهم يذكرونك و يعدون أغلاطهم .. اكيد و يجي يوم من كثرة ما تسامح يغطي تسامحك و يطغى على أحقاد القلوب و كبرياء الاعتذار .. أكيد و يجي اليوم اللي من كثرة ما تسامحهم يحسون بدفى قلبك وقت ما كانوا يظلمونك , و قت ما كانوا يعصبونك .. أكيد و يجي اليوم اللي من كثرة ما تسامحهم يحسون ببرودة الموقف و يشوفون إن ماله داعي لأفعالهم , ما عاد فيه موقف ضدهم غير التناسي و التغافل , ماني مثل أول يعصبوني و ياخذون كل اهتمامي خلاص كذا ريحتهم و ريحيت لسانك من الكلام أو الدفاع و ريحت بدني من القتال , خلاص حسوا ببرودة رد الفعل, خلاص وش عاد باقي ما يسونه كل اللي ممكن يتسوى سوّه, ماعاد فيه شيء يظلموني فيه , لأن حتى الشيء ما عاد هو ملكي حتى يظلموني فيه .. خلاص حسوا إنهم ما هم محط اهتماماتي .. خلاص أصلاً كل شر ما أتوقعه إلا منهم .. خلاص ما عاد يهموني .. يفرحون وقت ما يلقون شيء و يظلموني يفرحون .. قمة سعادتهم هي قمة أحزاني و قمة أفراحهم يشفون دمعك على خدك يسيل ..
ــــــــــــــــــــــــــــــــــــــــــــــــــ ـــــــــــ طلب صغيرون : اتمنى انكم تكتبون وش استفدتوا من الموضوع هذا ؟؟ و عساكم سالمين من كل خير غانمين ..
أنت غير مسجل بشبكة ابن الخليج; للتسجيل اضغط هنا; للمساعده وشرح طريقة التسجيل اضغط هنا
المواضيع المتشابهه
العرض العادي
