السلام عليكم و رحمة و بركاته ..
اخباركم أعضاء ابن الخليج ان شاء الله تكنون بصحة و سعاده ..
و لكم و الله و حشه بعد غيبه طويله ..
و من طول الغيبات لازم يجيب الغنايم ..
أتمنى تعجبكم و تعيشون فيها اجواء صداقه رائعه ..
.
.
.احس بداخلي دمعه كبيره تحكي اسرار خفيه تعكس من صفاها كل وجه لهالبشر ..
احس وقت تسيل و تخرج من العين ان نيران اللي تسيل ..
و انها لو بقت داخل الجوف كان ريحتني .. صعبه انك اشوف العالم بعين مليانه دموع صعبه موقف جبان ...
احب اشوف الناس بعيون صافيه لكن ذيك الدموع تشوهه المنظر في عيني أحيانا كثيره ..
في حياتي كلها لو دمعه ما نزلت الا قدام صديق صدوق وقلبي يحس و عيني تعرف الصادق ..
و تسيل بعد الدمعه دموع احاول امسحها احاول بكفوفي امنعها تسيل لكنها تصر على النزول ..
و انا ما ودي احد يشوف دمعتي غير اللي خلقني و خلقها و امشي بعيد عن ذاك الصديق ..
و هو يناديني يقولي لا تحاول تخفي دمعتك عني لا تعتبرني غريب حلفتك بربك لا تعتبرني غريب ...
وصرت في نفسي اقول ليه ودك تسمع همومي ليه منت مجبور فيني و لا انا مجبور اقول ..
لا تحلفني لا اتركني بهمومي في داخلي خلها تعيش ..
امتدت ذيك اليدين و مسكتني من كتوفي بقوه كأنها تقول لي عندي دواك لا ترحل بهمومك عني بعيد ..
و تزيد ذيك الدموع من الهطول و من الحياء ارخي رأسي حتى ما يشوف دمعي احد و اوهمه ان دموعي جفت لكن الدمع دايم فضاح من كثرته صار ينزل على الارض وكل دمعه تنزل تهبط بقوه تسمع لها صوت السقوط..
و يتناثر الدمع على الارض هو يناظرها بعينه ..
كأنها ودها تقوله ارحل ترى كثر ما جلست كثر ما سالت دموعه ..
وصرت من كثرة دموعي ما اشوف وين الطريق ..
و زاد الموقف احراج ..
و الدمع غسل و جهي تغسيل وصار يزيد ..
و الهواء و كل شيء حولي ما في شيء قدر يجففه و لا يخففه ما يكثر الدمع إلا عند من اغلاك مدري ليه ..
بس الاقدار كلها خير اكيد ..
و الرضى و ارزاق ربك في يد هالبشر ..
ليتني يوم تنعاد ذيك الواقف اهرب و اختفي و لا اموت ...
صعب على نفسي تنزل دموعي حتى عند امي انا ..
كلا بهمه في ذي الدنيا و يختلف المسير و كل عزف مختلف ..
و انا لو خيروني اشكي همومي لأحد ما اخترت غير اللي خلقها في نفسي و كبرها ..
مافيه مجال للدموع بس ذي العيون فضاحه و ما تدري متى تبكي و متى تتقطع جفاف ..
يازينهم من اصحاب ويازين الصحبه معاهم مالهم مثيل ابد في ذا العالم ما عرف لهم ابد ا شبيه ..
ياليت ربي خالق ذيك السموات و خالق الارض اللي اطوى خطواتي عليها انه ما يكتب فراق بيننا للأبد ..
افرح كل صباح بلقياهم و اكره ذاك المساء اللي ينفض الناس نفض و كلا على بيته يروح و انا اعزف انشودة ذاك الوحيد ..
استبشر بذاك الوجود ..
لو يكون موجود في اي مكان ما يعلمني على وجوده غير عطره و مشيته و عباته ..
حتي بعطره له حضور فكيف ذاك الكيان و ذيك الشخصيه ..
احبهم و انا يمكن اول مره احب احد ..
واستغرب من نفسي تودهم ود مختلف ..
يمكن ما اعرف الاصحاب ولا وش اللي يربطهم في بعض يمكن يكون اول احساس يمكن تكون اول صداقه ..
على الكثر الخلافات و على كثر الاختلاف الا اني ما القى نفسي الا معاهم ..
و على كثر الزعل و على كثر الخصام الا اننا مانكره بعض ..
احسهم وقت الزعل مثل طفل تزعل عليه امه و تبسطها حركات ذاك الزوعل ..
وهم من بعد الزعل تكثر معزتهم ما ادري كيف احساسي فيهم غريب ..
. علموني اان في الدنيا باقي بشر باقي من يزعل عليك و يرضى باكر ..
باقي من اذا كثرت خلافاتك معاه زادت و ازدانت علاقتهم في بعض ..
احس كل هم فيهم من همومي ما ادري كأني موزع احساسي عليهم .
.و يوم و احد فيهم يكون مهموم احقد على اليوم اللي شفته فيه مهموم ..
احس اني لازم انسيه احس اني لازم اوقف معاه احس اني حتى ببحث في قوقل عن حل لهمومه و احس اني ما ودي اتركه في ذاك اليوم الا و خلاص قيد حلينا همومه ..
اكيد اقدار ربي خير يوم تباعدنا ..
بس اكيد لازم في مكان و في قلبي يجمعهم من جديد و نعيد ذيك المزوح ..
و نضحك بعالي الصوت و ننشد سوى انشودة ذاك الصباح ..
و تأكدوا اني لو مت داخل القبر حي مامت اقلب دفتر الماضي و أذكر انكم الذكرى السعيده في حياة ذا الأمل .. غيرتوا فيني كثير تعلمت الامل رغم اني امل لكن ماكان عندي امل ..
لكني تخليت و تخليت خليتكم وقت الامور ماصارات عواصف صعيبه ..
مدري تسامحوني و لا كيف الاجواء داخل الفكر عني ..
ياليت ربي ما قدر اني اكون غير معاكم نحيا سوى او نموت ننجح سوى او نفشل سوى ما يهم المهم اني معاكم ..
مدري ليه اشوفكم من بعيد كأن الامان يناديني لكم .
.ليه الامان ما احسه الا معاكم مدري ليه احساسي دايم غريب .
على كثر ما كنت معاهم عمري ما حسيت اني احب منهم احد ..
مدري ليه يمكن من كثر ما كنت داخل اجواء الصداقه نسيت اسأل نفسي عن غلاهم ؟؟
منقوووووووووول ..
أتمنى تعجبكم ..

وعليكم السلام اختي سهاف


ما احلى العودة للمنتدى والاصدقاء
اسأل الله تعالى ان يجمعنا على الخيردائما لأن الانسان مرهون بأقدار خالقه
فالصداقة الصادقة ألذ شعورلكن الدنيا لقاء وفراق
إما رحيل او سفر او موت فلا يبقى سوى الذكرى الطيبة يتعلل بها
موضوعك اتى على الجرح
لاني احس بداخلي دمعة كبيرة تحكي اسرار خفية تعكس من صفاها كل وجه لهالبشر
شكرا لموضوعك الملائم

وشكرا لك
اختك

اهلا وسهلا بك من جديد في منتداك ومكانك ...

مشكور ع الكلمات المعبره فعلا وفيها ابداع سلمت يداك ...

الرائعه سهاف اشتقنا لك والحمدلله على السلامة