قصيدة قالها شاعر في يوم عرس محبوبته والقصيدة موجهة لللعريس ..





أبد ما جيـت أبـارك لـك ولكـن جيـت باوصيـك
على الله ناوي(ن) تدخل بهـا الليلـه ... معذبتـي

ترى لولا الظروف اللي عطّتك وحدّت محاكيك
قسـم بالله مــا تـدخـل عليـهـا لــو عـلـى رقبـتـي

ولكن النصيب أقوى ولاادري ويش اسوي فيـك
نعم...صارت معزبتـك,, ولا صـارت معزبتـي

كـذا شـاءت بنـا الأقـدار تحرمنـي لجـل تعطيـك
كذا لازم عشان تفوز انت,,أنا اخسـر بتجربتـي

تـراهــا غـالـيــة جـدا..وتـكـفـى.. والله يـخـلـيـك
تـدللها..تـدلـعـهـا..تـنـسّـيــهــا مــصــاحــبـــتـــي

أنا مـن كثـر مااغليهـا أحـس انـي بديـت أغليـك
ولاتــســأل بــأيــة حـــــق والا وش مـنـاسـبـتـي

لأنـك لـو بتسألـنـي بتسـمـع شــي مــا يرضـيـك
لــذا يــا خــوي لا تـسـأل ولا تسـمـع لأجـوبـتـي

أبيـك تحطهـا فـي داخـل عيونـك وبـيـن ايـديـك
وهـي دلـوعـة إعـتـادت عـلـى كـثـرة مداعبـتـي

فداعبهـا شــوي شــوي حـتـى تشتـهـي طـاريـك
وشاغبـهـا إلـيـن تـقـول: بـطّـل مــن مشاغـبـتـي

واذا هي مالهـا خلقـك,,ولا تضحـك ولا تسليـك
تحمّـلـهـا وإسـألـهـا :يـاعـمـري لـيــه عـصّـبـتـي

وبالـك أسمـع انـك يـوم تضربهـا وهـي تشكيـك
مـا يحتـاج أوري لــك بـفـن الـضـرب موهبـتـي

صحيـح انــك بتملكـهـا ومـعـك العـقـد بالتملـيـك
وانـا عـارف حــدود الله ومــن حـقـك معاقبـتـي

ولكن قل لهـا : المجنـون وصّانـي وهـو يعنيـك
يــقــول انــــه بيـنـتـظـرك لـوشـيّــب وشـيّـبـتـي

وانـا مجنونهـا اللـي مـا نساهـا وانـت مايمـديـك
تغطـي ذكرياتـي.. فـي هواهـا و ربـع تجربـتـي

أحس اني تماديت بكلامـي,, والغضـب حاديـك
ولـو انـك فـي مكانـي مـا تفكـر فــي محاسبـتـي

كفـاك انـي تركـت الليلـه أشغالـي عشـان أجيـك
دخلت القاعـة برجلـي ولا أدري ويـش عاقبتـي

وانـا مـا جيـت أخـرّب عرسـك الليلـه ولا أذّيـك
أنـا جيتـك عشـان أخاطـبـك واسـمـع مخاطبـتـي

توصّى .. وانتبه.. واحرص عليهـا والله يهنيـك
ترى كـل الكـلام اللـي طلـع مـن ضيقـي وكبتـي

ولكـن مـا قـدرت انــي أقـولـه وانــت مايخفـيـك
أخــاف انــي اذا قلـتـه تـقــوم وتـقـطـع رقـبـتـي

وسلاامتكم ..:

يااااااه وش ده الحب هههه

كلمـــات نــابعــه من قلــب صــادق
واحســـــــاس رائـــــــــــع
واسلــوب جميــــل
الله لا يحرمنا من نقلك الجميل

نتريه كل يديد منك

تحياتي

همس الليل