هلا والله ..
ها تبغون تعرفون شو بيصير في هالجزء .. !! ,,,,,
*+*+*+*+*+*+*+*+*+*+*+*+*+*+*+*+*+*+*+*+*+*+*+*+*+ *+*+
فواز: سارة اشتقت لج حيل ..
سارة: لو سمحت احترم الفاضك .. أنت منو ؟؟ وكيف عرفت اسمي !!
فواز: سارة .. أنا فواز..
سارة: فواز .. !! .. احلف انك فواز..
فواز: والله أني فواز ..
سارة: فواز .. وينك !! .. ليش ناسني كل هالمدة .. من يوم المشكله الي صارت لنا وانت ناسني .. خمس سنوات ما فكرت فيني .. فواز .. انا ما نسيتك .. دايما افكر فيك ..
فواز: ساروه فديتج أنا ما نسيتج .. انتي دايما عالبال .. وأنا الي كلمج من شوي في المسنجر .. مش سعيد ... ولا نسيتي ايميلي ؟؟..سارة .. والله اني تضايقت يوم سمعت أن واحد اسمه سعيد يبغي يخطبج ..
سارة: سامحني نسيت ايميلك .. من خمس سنوات ما كلمتني عالمسنجر ..فواز .. سعيد وأهله بيون عندنا باجر .. يبغون يشوفوني .. بس صدقني ما ابغيه .. وأنا ما بوافق عليه .. فواز أنا ابغيك أنت .. ما أبغي غيرك ..
فواز: الحمد لله .. فديتج والله ريحتيني .. فرحتيني الله يفرحج ويسعدج ..
(( فجأة ............... يدخل نواف (ابو فواز) ... وياخد التليفون من ايد فواز ..........
نواف ( ابو فواز ): هلا ببنتي الغالية سارة .. شخبارج ؟؟
(سارة وهي مرتبكه ): هلا والله عمي .. الحمد لله أنا بخير وعافية ..
نواف ( ابو فواز ): ها .. ما أوصيج على ولدنا فواز .. ترى انتوا الاثنين سعادتكم وراحتكم تهمنا كلنا ..
(سارة مسحيه ): أنشاء الله عمي ..
(( نواف يعطي فواز التليفون ......
فواز: ابويه .. كيف عرفت اني اكلم سارة ؟؟؟
نواف(ابو فواز ) : احساس ... يالله تكلم .. البنت عالخط ..
فواز: فديتك ابوية .. أشكرك..
(( طلع نواف (ابو فواز) من الغرفه .. وفواز وسارة قعدوا يسولفون ويضحكون... بس سارة تذكرت ان عليها امتحان باجر ..
سارة: فواز ..
فواز: عيون فواز .. آمري
سارة: والله سوالفك ما تنمل .. خاطري اقعد اكلمك وما اسكر .. بس باجر عندي امتحان وما درست للحين ..
فواز: اها .. اوكي عيل .. درسي عدل .. وطمنيني باجر عالإمتحان .. الله يوفقج .. يالله في حفظ الله
سارة: الله يحفظك .. باي
فواز: باي..
(( في هالليلة .. سارة درست .. ونامت احلى نومة ... وفواز مستانس وايد ان سارة للحين تبغيه .. ونام والبسمه مرسوه على ويهه .....,,,,,,,,,,,,,,,,,,>>>>>> اليوم الثاني .. فواز صاحي من الساعة 6:30 .. لبس ملابسه وتعدل ونزل تحت يتريق مع أهله ..
فواز: أحلى صباح كله خير لأغلى أهل في الدنيا ..
الكل : صباح النور
هدى: اوه اوه اوه .. ياسلااااام شو هالزين شو هالكشخه .. اليوم شكلك مرتب من الخااااااااااااطر ..
علياء : لا وبعد صاحي من وقت اليوم ..
فاطمة ( ام فواز ): فديييييييت ولدي .. تعال حبيبي تريق .. ما فينا تتأخر وياكلك المدير..
نواف(ابو فواز): ما أظن أنه يتأخر ... الحبيب أحم أحم .. البارحه
فاطمة(ام فواز): ( تنغز نواف تقوله بصوت واطي ): حرام عليك لا تفضح الولد جدام خواته ..
نواف(ابو فواز): هههههههههههه .. اوكي اوكي .. يالله الغالي فواز تعال تريق ..
(( يلسوا كلهم ياكلون ويسولفون ويضحكون لييييييييييين الساعة 7:00
نواف(ابو فواز): يالله بناتي الغاليات .. قوموا بوصلكم وبروح الدوام .. يالله اليوم تأخرت شوي ..
(( طلع نواف (ابو فواز) مع بناته .. وبقوا فواز وأمه ..
فواز: وأنا بعد بروح .. امي تامريني على شي قبل لا اطلع ..
فاطمة(ام فواز): سلامتك حبيبي .. ما يامر عليك عدوا ... بس حبيبي ما قلتلي .. شو قالت سارة ؟؟
فواز: ههههههه .. ابويه خبرج ؟؟
فاطمة(ام فواز): هيه ..
فواز: الحمد لله ان سارة ما تبغي سعيد .. سارة تبغيني أنا ..
فاطمة(ام فواز): آآآآآآآه .. الحمد لله .. والله ارتحت الحين ... فواز عمري .. لا تخش أي شي عن امك وابوك .. صدقني ما بنوقف في طريجك .. بنوقف معاك وبنساعدك حبيبي .. فديتك مصلحتك تهمنا .. فرحتك هي فرحتنا .. وخزنك حزنا ..
(( فواز يحظن امه .. ويحبها على راسها .....
فواز: أمي فديتج سامحيني .. انشاء الله من اليوم ورايح ما بيكون بيننا أسرار .. أمي اسمحيلي بسير الدوام الحين .. في حفظ الله ..
فاطمة(أ فواز): الله يحفظك حبيبي .. فديتك ما أوصيك .. لا تسرع في الطريج ..
فواز: انشااااااااااااااااااء الله ..
(( راح فواز الدوام ......... دش المكتب ..
فواز: هلااااااااا والله بزيود .. شخبارك الغالي ..
زايد: مرحبتين .. فواز !! .. غريبه اليوم من وين طالعه الشمس ؟؟؟ ... ياي الدوام من وقت !!
فواز: هههههههههههه خلاص .. لا تأخير بعد اليوم ..
زايد: هاهاهاااااااااااااااااي .. خايف يخصمون من راتبك هههههههههه
فواز: هههه لا والله مش جذيه .. تعال تعال .. الربع بيسيرون اليوم النادي .. بيلعبون بولنغ .. ويبوني انا وانت نشوفهم هناك ..
زايد: ممممممم فواز .. والله ما ودي اردك .. بس اليوم أهلي بيسيرون يخطبون حق سعيد أخوي .. وأبوي مصر أني اسير معاهم .. خيرها في غيرها انشاء الله .. مره ثانيه بروح معاكم ..
فواز: اها .. بس أنا وعدت الربع أني اسير .. خلاص .. أنا بسير وبقول لهم انك ما قدرت تيي .. اوكيك ..
زايد: اوكي ..
((( العصر .... في بيت نواف (ابو فواز) ... الكل مرتبش ,, هدى تعدل الميلس لأن نورة بتزورهم .. ونواف يلبس لأنه بيسير النادي .. وعلايه تلعب ... فواز نازل مستعجل بيطلع من البيت ..
هدى: فواز نورة بتيني الحين .. إذا شفتها عند الباب دخلنا ..
فواز: اوكي ..
(( طلع فواز من البيت ... وقف مكانه مصدوم .. شاف ربيعه زايد هو وأهله يدخلون بيت (ابو عمر)=(ابو سارة) .... زايد وهو يدش شاف فواز .. قال لأهله انه بيسلم على ربيعه وبيلحقهم ..راح لفواز .. وفواز مكانه مصدوم ...
زايد: مرحبا فواز .. شخبارك .. توني ادري ان بيت العروس قريب من بيتكم ..
فواز : أنا مش بخير .. ليش ما تقولي ان سعيد هو أخوك الي يبغي يخطب سارة ؟؟ .... صدق انك ما تستاهل حد يرابعك ... باي
(( ركب فواز سيارته وهو معصب .. وراح ...
زايد: بل بل بل .. بسم الله .. والله اني ما ادري بالسالفه الا الحين .. شسوي الحين ؟؟ .. كيف افهمه أني ما عرف عن السالفه الا الحين !!! ....
(( زايد واقف مكانه وسرحان ويفكر ... تذكر ان أهله بيت (ابو عمر ) .. لف وراه .. وانصدم بنورة ..
زايد: ... اوبس .. آسف اختي ما انتبهت ..
نورة: لا عادي ما صار شي .. السموحه
(( زايد يطالع نوره ويقول في باله ,,,>>> الله .. شو هالجمال .. شو هالرقه .. شو هالصوت الحلو .. (( شكله زيود انعجب بنورة ))............. قعد زايد يطالع نورة لين دخلت بيت (ابو فواز).... وراح زايد لأهله .. تكلموا مع اهل سارة .. أهل ساره اتفقوا معاهم انهم يردولهم خبر بعد يومين .. لأنهم لازم ياخذون راي سارة .. رجعوا زايد وأهله بيتهم ... سار زايد عند سعيد ...
زايد: هلا والله سعود .. اشوفك مستانس وايد .... !!
سعيد: أكيد بستانس .. ولا تبغيني أصيح !!!
زايد : سعود .. أبغيك تغير رايك .. لا تاخذ سارة ..
سعيد: وليش انشاء الله ؟؟ ... أنا الي بتزوج ولا أنت !!
زايد: بقولك سالفه صارت لسارة من خمس سنوات ... من خمس سنوات كانت سارة فـ...........................>>
*+*+*+*+*+*+*+*+*+*+*+*+*+*+*+*+*+*+*+*+*+*+*+*+*+ *+*
.......<<<< في الجزء الرابع راح تعرفون المشكلة الي صارت لسارة وفواز من خمس سنوات .... ترقبوا الجزء الرابع ...
اختكم,,
لمسة فن
أنت غير مسجل بشبكة ابن الخليج; للتسجيل اضغط هنا; للمساعده وشرح طريقة التسجيل اضغط هنا
06-29-2005, 07:13 مساءً 
المواضيع المتشابهه
العرض العادي
