متررد ياجماعه وش أشتري
امس بغيت اخذ سوني الجديد لكن ترددت وخيره انشاءلله لأني قريت بمنتداكم ان السوني الجديد اكثر ذاكره من السوني القديم 80Gb
وقولولي وش أحسن الألعاب

والله انا مجرب السوني الجديده

وبصراحه عجيبه انصحك فيها وبقوة

انصحك اشتري بلاستشين 3

الأكس بوكس انا مجربه ومشتريه من امريكا
والله مو لذيك الدرجه

طيب وش الميزه الي تخليه احسن من اكس بوكس

أخوي انا خذت جميع الاجهزة

Xbox360
Sony ps 3
Nintindo Wii

وبصراحة راح أقولك حاجه

ps3 و xbox360 لهم العاب كثير تتشابه ناهيك عن الحصريات لكل جهاز

ميزة xbox انه له كوبي لكن حط في بالك حولت كوبي خلاص ما تقدر تشبك اللعبة اون لاين
وعيوبها من تحولها كوبي خلاص فترة ويروح عليك الليزر وارجع عدله من اول وجديد
لكن للاكس بوكس العاب قوية مثل halo

وميزة ps3 لعبة قوية طبعا لايوجد بها كوبي حتى الآن وفيها العاب حصرية راح تنزل مثل انيموشا و ميتل جير و رزدنت ايفل وناهيك عن جهاز التحكم حلو ومتعودين عليه من ايام البليستيشن 2

الـ wii جهاز حلو العابها حلوه لها افكار جديدة كلباَ لكن ما تنفع كلعبة أولى لها كوبي وتدخل اون لاين وحلوه


انا تصنيفي للأجهزة وبكل صراحة


الأولى ps 3 لأنه الجرافيك قوي جدا في ألعابها و جهاز التحكم حلو وسلس الألعاب الحصرية فيها جميلة جدا جدا جدا كفاية ميتل جير ورزدنت ايفل وصحيح اذا ودك تشبكها اون لاين يا اخي ما راح تندم فيها ميزات حلوه مثل تحميل ديمو للشريط وتلعب مرحلة ولا مرحلتين قبل لا تشتري الشريط ^_^

الثاني wii لانه فكرتها حلوه ويوم بتمل من كل شي تعال عندها وتسلى ترى فيها العاب يهال كشخه ^_^ وبعد فيها مغامرات rbg حلوه مثل اللعبة اليديدة Fire Emblem والحصريات مالها mario و Zelda

الثالثة xbox 360 بصراحة أكثر من نص العابها مثل البليستشين 3 يعني حرام اخذ اللعبتين مع بعض هي عيوبها الليزر مادري شفيه يخترب سريع صحيح لها العاب تنزل حصرية عليها بس لكن أكثرها شغل حروب مجاداة أسميها انا اعطيك مثال halo حلوه وقوية لكن تبي تلعبها العبها على الكمبيوتر ^_^


وبالنهاية جميع الألعاب حلوه وانته قارن السعر بالميزات بسعر الشرايط وشوف شو الأحلى لكن ما أنصحك بكوبي غير wii هي الوحيدة ينفع الكوبي لها ومثل العسل

جزاااااااااك الله اف خير لاكن كنت بسألك عن الأسعار
يعني أخر عرض عندنا بسعوديه وصل إلى 1999 ريال كل الجهازين xbox و ps3 لاكن مدري عن الأسعار بدول الخليج الثانيه
اذا كان عندك خلفيه يليت تزودني ويعطيك العافيه وماقصرت

عزيزي الاسعار تختلف من الهاردسك

يعني الـ ps3 هناك لها 20 جيجا و 40 جيجا و 60 جيجا ) اعتقد وقفوها الـ 60 ) ولها 80 جيجا

المهم الأفضل هو 80 جيجا طبعاَ راح تقول ايش ابي بالجيجا انا

بالعكس مفيدة لك تنزل عليها أفلام و ألعاب ديمو و أغاني ولا اناشيد على كيفك انته شو تبي وميزات اخرى

سعر الجهاز عندنا الـ 80 جيجا يقارب الـ 1850 درهم مع جهاز تحكم واحد وصديق لي خذها قبل شهر بـ 2250 درهم ( ريال ) 80 جيجا مع جهازين تحكم وشريط واحد اصلي ( طبعاَ شريط سعره 250 ريال ) لانه في أشرطة قيمتها 130 ريال أصلية وجديدة لكنها قديمة

أنا بصراحة خذتها قبل لا تنزل بالشرق الاوسط خذتها نسخة يابان تهريب ^_^ على 2890 ريال


المهم اذا راح يعطيك الـ ps3 بـ 1999 مع جهازين وايرلس يكون حلو وشريطة 80 جيجا ^_^

أما الـ xBox360 حسب معلوماتي انها أرخص من الـ ps3 بـ 150 أو 200 ريال وأغلى وحده أعتقد xbox360 الي لونها أسود هذي جديدة نازلة

وجهاز Nintendo Wii سعره أعتقد ما يقارب 1500 ريال هذي اخر مرة سالت عنها الآن مادري يمكن أرخص شويه


هذا واذا بغيت اي استفسار لا تستحي

شكرا لكم جميييعا