| انواع شباب 2005
اليوم جبت لكم موضوع يا البنات فيه حش علي التماسيح ( الشباب)
شباب اخر زمن شباب 2005
النوع الأول<<<الخكري
وهو ولد مسوي بنت وما يلبس غير الجنز الضيق والبلوزه ستريتش وأرق من البنت ودلوع أهله وهذا إنسان أنا أعتبره مريض نفسيا...
النوع الثاني<<<العربجي
إلي شعره إلين كتوفه ووصخ ما يتسبح إلا بالشهر مره وثوبه وصخ والطاقيه واصله إلين الحواجب ومغبره وقلابي الثوب عرضه شبر ونص والأزارير مفتوحه وحالته حاله ما أتحمل هذي الأنواع من الأولاد أنجس خلق الله...
النوع الثالث<<<الزعّيط
إلي مسوي قوي وفزعه وراعي فزعات ومن وراها ينحاش ويخليك وكله يمدح نفسه وإذا جيت وقلتله ليش إنحشت؟؟ ما نحشت جلدته بس إنت ما شفتني ويصرفك ويروح...
النوع الرابع<<<أنا عندي بنات
أغلب إلي مثل كذا كشخه وفيهم جمال بس إذا طلعت معا يأشرلك على كل بنت ويقولك أعرفها وهو من وراها ما يعرفها ولا تعرفه بس علشان يوريك إن البنات يموتون فيه...
النوع الخامس<<<لاعاد هذا فله
دمه خفيف وصبور وما عنده خرابيط التدخين وهالأشياء وإنسان مرح ويحب يطلع البزارين للملاهي ويرجعهم ووسيع صدر ويحب يطنز بصراحه هذا إنسان فله...
النوع السادس<<<المحشش
هذا إنسان ما همه إلا إنه يشم شمه ويورط نفسه وغيره معاه والله حرام عليه من جد أتحسف لما أسمع إن أحد طاحله بشمه ولا بحبه ولا بإبره كأني أ إلي أخذتها...الله يهديه ويكفينا شره...
النوع السابع<<<مسوي مكانيكي
يجيبلك صور كشخه لسيارات ولا يدري وش موديلها يرزها لك بغرفته ولا بجواله ويرز عمره ((أنا عندي سياره كشخه وخرو عن طريقي بس)) الله يعطيه العقل...
النوع الثامن<<<دافور
إلي يصيح على الربع درجه إذا نقصت وهذا النوع مره جبان وما يهتم إلا بدراسته والمشكله بزياده...
النوع التاسع<<<مسوي راب
يجيلك حافظ أسما المغنيين والأغنيه حتى ما يعرف ينطقها صح بس يقول للناس شوفوني تراني أعرف أجنبي ويسمع أغنيه تلقا الأغنيه فيها سب للمسلمين وهذا مفهي مو عارف وش قاعد يقول...
النوع الأخير<<< إحم إحم راب أصلي
شخصيه قويه خفيفة دم بس مو مره ويعرف الأغاني وش تتكلم عنه وفيها نذاله شوي ومشكلجي خفيف ويستانس على الرجه...ومدمن<<<شوكلاته ويحب الملاهي و الأشياء الغريبه والمقرفه وعاشق الحشرات
تحياتي للجميع
فاتنه القلوب
|