هل الحب جدير بان يضحي الانسان من اجله باعز مايملك كرامته وعزته
ام ان الحب يطير عقول بعض البشر وكيف للانسان بان يتمسك بسبب
قد يكلف اكثر مما يهب.....واليكم قصة احد اصدقائي والتي حصلت
وكنت انا احد اطرافها وكم حاولت وبسببها ان ارفع راية العداء
مع الحب.............................................. .........القصه..........
كان احد اصدقائي الذي كان ومازل بمثابة اخ لي ........على علاقة حب بل عشق مع فتاه كم من المرات
حدثني عن مدى السعاده التي يعيشها معها وفي يوم أتصل بي وكان يجهش بالبكاء ؟
فدار بيننا الحديث التالي:
صديقي: وهو يبكي يا...............اريد ان اراك ضروري؟
انا:ايه حصل لحد من اخوانك شي؟
صديقي:لا
انا:الوالد والوالده بخير؟
صديقي:ايه
انا:وشفيك حصلك شي؟
صديقي:.يا............انا محتاج اشوفك
انا:ثواني واكون عندك
ووصلت له وهو جدا منهار انا بصراحه خفت عليه
انا:اركب معي؟
صديقي:وين بتروح؟
انا:مكان هادي نعرف نسولف زين حتي لا يجينا الحين احد من العيال ويشوفك كذا
صديقي:طيب
رحنا مكان مافيه احد وهو في السياره بدون كلام مجرد تنهيدات متقطعه من شدة البكاء
ووصلنا ونزلنا وجلسنا
انا:قلي بصراحه وشفيك تراك قطعت قلبي ياخوي
صديقي:تعرف فلانه؟
انا:ايه ويش فيها؟
صديقي:يرجع ويجهش في البكاء
انا:ياخوي تكفى قلي ايه حصل؟
صديقي:اليوم اتصلت علي وانهت علاقتنا
انا:طب ليه؟
صديقي:حصل سوء تفاهم وكبر الين انفجر في
انا:ياخوي خلها تولي فداك ميه غيرها والي ماتقدر العشره الباب يوسع جمل
صديقي:احبها ومقدر اعيش يوم بدون ما اسمع صوتها
انا:طيب دق عليها وحاول انكم تتعاتبون العتاب يصفي القلوب وانت قدم شوي تنازلات وهي
كمان شوي وانحلت الهرجه
صديقي:مهي راضيه ترد علي وارسلتلي مسج انك لو دقيت علي بعلم اهلي بحكم انهم جيران
انا:طيب والحل
صديقي:تكفى حاول انك تكلمها وانت معروف عله لا مسكت احد تقنعه غصب عنه
انا:والله على شانك ولا غيرك مستحيل ادخل نفسي بهالمواضيع
صديقي:تسلم ياغالي
واتصلت عليها ماترد وارسلتلي مسج لا تتصل ولاتحاول خلاص الي بيني وبين خويك انتهى
يابنت الحلال انتي كلميني بس..هي ابدا ورجاء لاتحاول
انا كبرت في راسي اتصلت ببنت خالتها:
انا:سلام كيفك واسف اني اتصلت عليكي بس صدقيني مالقيت احد غيرك...
هي:خير
انا:سمعتي بالي حصل؟
هي:ايه تكفى فهد لاتدخلني في الموضوع
انا:انتي اخر امل لي لاتقفليها في وجهي
هي:المطلوب
انا:حاولي تدخلي في الموضوع انتي بنت خالتها وبأمكانك تشوفيها
هي:طيب احاول
وبعد يومين اتصلتبي حبيبة صديقي
حبيبة صديقي:وبعد كم سبه.....اشتبي مني
انا:يابنت الناس حرام عليكي الي تسوينه في الرجال
حبيبة صديقي:هو الي جابها لنفسه
انا:بس الموضوع انتي غلطانه فيه
حبيبة صديقي:لاياشيخ....صف معه مو صاحبك
انا:انتو كيف كنتم مع بعض انا قلت في نفسي الله يهنيهم ببعض من قوة محبتكم
لبعض..
هي:هو مايحبني يضحك علي
انا:والله لو كان يضحك عليكي ما اتدخل في الموضوع كذا فعلا هو يموت عليكي
حبيبة صديقي:ايه يأكدلي صحت كلامك
انا:طلي من الطاقه وشوفيه جالس لحاله وهو الي معروف بانه مايهدا وحرك على طول
حبيبة صديقي:انا موافقه بس عندي شرط
انا:خير
حبيبة صديقي:يروح ماشي من الحجون الى العزيزيه ماشي حافي ويرد
انا:بغضب والله انك تخسين: اسف ماكبرتيها شوي
حبيبة صديقي:شوف يا...............هذا شرطي عجبك عجبك والا بكيفك
انا:خير خير
صديقي:ايه حصل؟
انا:اسمع مني هذي وحده مريضه وماتحبك سيبك منها
صديقي:اقول ايه صار
انا:مجنونه تبي منك انك تروح العزيزيه ماشي حافي وترد
صديقي:يفكر............موافق اذا يثبت اني احبها انا موافق
انا:انت مجنون والله لو هي ايدي اتعبتني اقطعها
صديقي:خلاص انتهى
انا:ياراجل ايش تقول
صديقي:راح اروح
وفعلا راح ماشي ورجع وانا باموت من القهر
ووعدت نفسي اني راح انتقم منها في يوم من الايام
ايه رايكم بصراحه بعد هذا كله الحق معي والا انا غلطان...
عجب العجاب
ومن الحب ما قتل ...
منقووول للأمانة ؟!!
تقبلوو اجمل تحية اخووكم
المااركيز