بسم الله الرحمن الرحيم
هذي يومياتي الجميلة والبديعة المفعمة بنشاط مثل دعايات الحليب
بوضح بالبداية معنى سحيله وهي ما أخوذه من السحلية
وهي حيوان زاحف نشوفه كثير بالبر
الخلاقين وهي الملابس وبما أني أحب الكشخه والبس اخترت هذا القلب الجميل
" عشانكم يا أغلى مافي الكون أسوي أي شيء انتم ياعيالي إلي ماشفتكم وتمصع قلبي
وأنا انتظركم اقصد انتظر أبوكم ، بكتب لكم يومياتي عشان تعرفون أمكم الخطيرة "
يوميات يوم الجمعة المطير
كانت الدنيا تبرق وترعد وأنا خبركم أخاف من الرعد فقمت اخترعت
لي سدادة أذن وهي عبارة عن عبس تمر ملفوفة بمنديل وسديت فيها أذاني " أم الأفكار "
وطلعت بالحوش عشان أتابع زخات المطر وهي تصقع البلاط
" شفتو أمكم قمت الرومنسيه "
وإلا أنا بتميلح وأمد رجلي حتى يداعبها المطر..
وطراخ على خشتي وربع ساعة ماتحرك لأني خميت البلاط زين
والدنيا تدور وكأني بصحن الدوار وبقوم وارجع اطيح مره ثانيه طرااخ على خشتي
قلت في نفسي ضربتي عصفورين بحجر وشلون أقولكم وشلون
منها عذر رسمي عشان اجلس وامدد بحجة أني طحت وتعورت
وأنواع الأوامر ودلع ومافيه شغل بالمطبخ ولاتعب " فكره جهنمية "
ومنها اخذ دش بدون تعب لي ولملابسي
وبينما أنا غارقة بتفكيري وإلا اسمع صوت بناتي مقاس M
وافتح عيوني وارفع راسي وإلا هذي أختي تقول :
سحيله مضيعه فراشك الحمد الله والشكر على العقل
رديت عليها وقلت :
مالك شغل ياملقوفه وانقزي جيبي لي شامبو وتايد للغسيل مافيش
مستحيل بتروش واغسل ثيابي
وهي تعطيني ظهرها وتخليني وهي تقول الله يعطينا العقل
المهم قمت من مكاني وقلت يا بنت اخدمي نفسك
والحمد الله انتهت العمليه بسلام وتم ماخططت له تعرفون أحب النظافه
وانشاالله اتروش بأقرب سحابه جايه اقصد أقرب فرصه جايه
ملاحظه : فشلت فشل ذريع بتهرب من الشغل
لكن لولا الفشل ماكان هناك نجاح ولا يأس مع الحياة " كلي حكم "
وهذا أهم أحداث يوم الجمع المطير
إلى اللقاء في يوميات أخرى مع سحيله أم الخلاقين
لووووووول
تقبلووو اجمل تحية مني
أخووكم
المااركيز
مشرف الصرقعه
معنا حلق عاليا في سماء التحشيش
