السلام عليكم ورحمة الله وبركاته
ارسل لكم مشاركتى كما اتمنى ان تحوز على اعجابكم هيا كلمات اعجبتنى وانقلها لكم واتمنى من من يعرف صاحب هذه الكلام ادراج اسمه بالردود



لعنبوو قصة غرام كل أبوها كلمتين ابتدينا عند أحبك وانتهينا عند باي
تونا ما مشينا فالهوى لـو خطوتين وانتهى الموضوع كله حتى ماأعرف وش خطاي
انتهت قصة حياتي بكل سهوله تحكمين وين أحبك؟وين أريدك؟وين ساكن في حشأي
يمكن إنك ما وفيتي يوم جيتي تعشقين ويمكن إنك تحسبيني بتبعك من دون راي
ويمكن أصلا ما عشقتي بس كنتي تلعبين ويمكن إنك ما وصلتي في هواك لمستواي
ويمكن إني ما عرفتك فالحقيقة وش تبين ويمكن إني خنت نفسي..يوم أعطيتك وفاي
علميني فالهوى يا جاهله وش تعرفين تعرفين إنك غديتي شي يجري في دماي
علميني فالعطاء والتضحية وش تفهمين لعنبو حيك عشانك بعت أقرب أقرباي
كنت أحطك في عيوني تسرحين وتمرحين كنت أشيل هموم قلبك وأرمي همومي وراي
كنت اطير من السعادة يوم أشوفك تضحكين كنت ذايب في هواااكي مثل سكر وسط ماي
كنت نايم فالعسل وأرسم من الفرحة سنين كنت اظنك قلب عاشق ماسكن وسطه سواي
ما وعيت الا وانتي في خفوقي تطعنين ما وعيت إلا وسيفك بالحشا رايح وجاي
وردة إيه والله ورده بس عرفتي تجرحين كل شي فيني جريح إلا فخامة كبرياي
ما تأثرت بغيابك --- ويش يعني دمعتين بكرة أنسى صدقيني وأرجع بكامل قواي
أدري إن حنا افترقنا بس أبفهم حاجتين علميني وش كسبتي ؟؟ وعلميني وش خطاي
أصلا الموضوع كله ما تعدى كلمتين التقينا عند احبك وافترقنا عند باي