يا خيي إنت وحداني
أنا صاحبك في جورناني
ساعة ما يذبحوك أصرخ
وأتلوى في أحزاني
لكن عمري ما مديت يد
أحوش باليد مدة يد
أنا موهبتي في لساني
ومش موهوب في شيء تاني
ولا مقاتل
ولا محارب
ولا مودي
ولا جايب
حبيبك … إنما شفوي وقلباوي
لكن لا طبيب ولا مداوي
ولا بأعرف أخوض الموت … ولا ناوي
أنا في كل ده خايب
ومش ظهرك
ومش سندك
ومش بلدك
ومش بلدك
وبأستغرب على جلَدك
فلو حتحس لخيك يوم
حتنادي
تلاقيني في عز النوم
أنا والعالم العربي
ليلاتي
زي ما بننام....