السلام علييكم ورحمة الله وبركاته
يمكن تعرفوني انا الي كل مواضيعي عن الزواج خخخخخ
لكن المره هذي (فصل الخطاب)

ابيكم تعطوني رأيكم
عرضو علي بنت عمرها 34 سنه وأنا عمري 21 أنا اتمنى ان أي شخص بالمنتدى ما يعطيني رأيه الى بعد مايقرى الموضوع كامل
مشكلتي اومشكلة الزمن هذا الفتن وكثرتها ونتشارها الواسع بكل يوم
تمنيت أتزوج لاكن ماباليد حيلة المهور ترتفع وأنا أحوال اني أوقف ضد الموج لاكن أخرتها أمس أبوي شرشح فيني لين قال أذا ادخلوا الرجال عندنا لاتتكلم
لأني صرت أي رجال يدخل علينا أفتح موضوع الزواج وأقول لويخفضون المهور وبوي وصلت معه
قلتله يالله كان فيك خير زوجني أجل
قال ومن وين ياحسره تبي أغلط وزوجك زي اخوانك الي أكبر منك

المهم
أمس اختي تسولف لي وتقولي ان زوجها يقول لو بغى ثامر يتزوج ترى اختي تفداه

المشكله وما فيها
ان الزمن الحين بدى يتغير يعني الناس مهم زي أول
الرسول تزوج من تكبره ب أكثر من 20 سنه
وتزوج من تصغره عمرها 6 سنوات
رضي الله عنهم
لو أتزوج البنت هذي الناس وش يقولون
مالقى العجوز النطحي
ايه محديبيه علشان كذا تزوج العجوز
سبحان الله والله لايقين على بعض خخخخخخخخخخ
لاكن تدرون
الزمن هذا كل شخص يتكلم علشان كذا الواحد يسوي الي يبيه لاكن بالحلال والي يبي يتكلم خله يتكلم
والله لو أنهم بيدخلونا الجنه ولا النار
حنا قدوتنا الرسول اللهمصلي وسلم عليه مهو الناس العيارين

اتمنى انكم تعطوني رأيكم مع العلم ان البنت موضفه وتمتلك بيت
يمكن هذا الشي الي يفكر فيه الرجال
مثل الحريم يتمنون انهم يتزوجون مطاوعه علشان مايناضرون لغيرهم أو يقارنون بينها وبين الممثله الفلانية