بس انا بزيد عليك وبقول الحين صارت تكاليف العرس فوق نص مليون درهم يعني اللي قلتله شويه بوايد

بس يوم انا بنت ما بسوي كل هذا هو عرس وخلاص ليش احط شروط تكسر ظهر المعرس وثاني شي انا باكلها فالاخير يعني اذا المعرس قدر ييب هالمبالغ فالاخير بتكون ديون يعني طوول حياتنا بتكون ديون في ديون ومحد بيرتاح بدنياه منها

واصلا ليش الفشخره وقل صنعه خلوا بناتنا يعرسن ونفتك من ويوهن في البيت ومجابلينهن دووم كان احسن وكلمة عانسه بتختفي تدريجيا

وثاني شي فيه ناس يزاها الف خير سهلوا ع المعرس يعني هنيه بالامارات فيه ناس يعروسون بناتهم بالمهر الرسمي واللي هو 20 الف مقدما وعلى مااظن 50 مؤخر وتكاليف العرس بسيطه يعني فالاخير بيكون عرس مرتب وسنع بدون تكاليف ضخمه

وياليت الكل يمشي ع هذا كانت الدنيا بخير وافتكينا من شي اسمه عوانس بالنسبه للبنات وكابوس الزواج والمهور بالنسبه للشباب



وما يحتاي شي اسمه زواج مسيار ولا غيره

اصلا هالزواج يمكن يكون وراه مشاكل اكثر من زواج العادي


والسموحه ع مطاوله