السلام عليكم ورحمة الله وبركاته
هموم الشباب وهمي انا بذات هو الي خلاني أكتب الموضوع...
أكيد بيزعلون بنات واجد لاكن لاتحكمون قبل ما تقرون
يقول الرسول صلى الله عليه وسلم في معنى الحديث أن آخر الزمان القابض على الدين كل قابض على الجمر
المشكله وشي بضبط
واحد وده يتزوج وماشاء الله الشخص موظف وراتبه حول 4000 يعني تقولون ميسور الحال
لاكن المشكله المهور الوقت هذا طغت على فكرة الزواج مجرد مايفكر الواحد بزواج اول شي بيفكر فيه المهر
بقولكم لاتسألون ليش العوانس كثروا وخصوصا الوقت هذا
تخيل مصاريف الزواج كامله 150000ريال الف تنطح ألف
مبين المهر الي قيمته 60000
والذهب عند بعض الناس مثل المهر
والشقه لاتنسونها
تخيلو شخص توه متوظف يعني مامضى عليه إلى 4 شهور وين بيجمع كل الفلوس هذي يعلم الله ان كثير من الناس عنده المال لاكن 150000
يلعن أبو الزواج مانبي نتزوج بطلنا
لكن فكرة يوم من الأيام بالموظوع من جد يعني أبي أتزوج يعني بتوج يعني بتزوج تفهم ولا ماتفهم
لاكن ......
.......................
150000 يقطع ابو الزواج لكن لما تفكر وتدري أن المسيار حلال والمسيار مايكلفك أكثر من 30000 بالكثير تقول إيه هذا الزواج الي نعرفه
وقبل مده كنت أدور بمواقع زواج المسيار لقيت معظم البنات يكتبون انتم أيه الرجا تريدون ان تهضموا حقوق المرأه حتى بزواج وتريدون ان تستعبدونها -زي الكلام هذا -
والله وصلة معي لدرجه اني ودي أطب بالجهاز وكمخهم
أنتم الي حرم عليكم قالو أيش قالو أستعبدا طيب وش تسمون المهور الي تكسر الظهر
حشى مهو مهر
الحين دية الأنسان ماتتعدى 120000
أقول وش ذا المثال أنت ووجهك ...
طيب خلونا نجيب مثال ثاني بنت عمرها 28 ودها تتزوج لاكن كل الي يبون يتزوجون يدورون الأعمار من 18-23
زي أختنا هذي يمكن يستهويها الشيطان زي مستهوى كثيرررررررررررر من الشباب
يعني مابين مواقع محرمه -لايمكن الوصول إلى هذه الصفحه -
ولا أسواق ...
ياجماعه البنت خصوصا غير الرجال
أختي الله يثبتها ويعينها على زوجهأ
كانت طالعه لسوق هي وخوي صغير وتقولي ان احد الشباب قال كلمه المهم تقولي اختي انه قال كلمه ترد الروح
لكن أختي تقول تجهالته مسرعه وبعدت عنه
تقولي اختي تشكيلي وضعها تقول والله اني فكرت اني اخذ رقمه وأغازله لين أقول بس قلت ليش قالت الله يسلمك زوجي عمره ماقالي ولاكلمة حب ولا كلمة حنا مايعرف إلى تعالى أو يا هيه وذا بغى يمدحا بلبسها يقول حلو منين شريتيه ادعولها بثبات ياجماعه ونتم المتزوجين سمعو زوجاتكم الكلام الحلو الي لاسمعوه يرد روحهم أحسن من أنهم يسمعونه من واحد ثاني
ونتم يالي عندكم خوات ارفقو بخواتكم ودلعوهن تدرون ليش ....
يتكلم أحد مدرسينا أيام الكليه طبعا ضرير هو ويقول كنت بزياره لسجن نسائي وسألت أحد البنات وقلت لها انتي يوم صورك خويك وهو XXX يسألها ويقوله كنتي تدرين ولا لأ
قالت : ألا كنت أدري
قال: وليش منتي خايفه من أهلك
قالت :خلهم ينثبرون وحقهم وماجاهم اما انا عادي عندي تخيل لما ارجع للبيت كل واحد يسبني من جهه انتي يحماره ياكلبه يا ويا ويااا وعمري ماسمعت كلام حلو اما هذا الي تعرفت عليه يسمعني الكلام الي فقدته من أهلي وياشيخ والله أني ادري انه يكذب علي لما يقولي اني احبك لاكن ياشيخ ودي اسمع الكلام هذا ليش خوياتي يتكلمون ويقولون ان ابوي ينادينا ياقلبي ياحياتي وبوي مايعرف الى الضرب والمهاوش بس .
شباب كل واحد يقرا القصه يغير أسم اخته بالجوال ويخليه _خويتي _ ولا حياتي ولا المملوحه ولا شينه بس أحبها _كثرلي منها -
ونا دوا خواتكم الزين او ياملكة الجمال والله بتحسون خواتك كل يوم وثاني يزيدون عفاف ويزيدون حب لكم وسألو المجرب وسألو خويتي - أقصد أختي -
المهم وش كنا نتكلم فيه
150000 يقطع ابو الزواج الي كذا والله لو يحصلي ميسر ..
أقصد مسيار لأروح اليوم اتزوج بسبب المهور وهذا رأيي ورأي كثير من الشباب ما عدى الطبقه الفارهه يعني الي رواتبهم فوق 15000 وارصدتهم أكثر من 1000000
خصوصا ان الزمن هذا زمن فتن ومحد يأمن على نفسه
قلت للوالده يمه أبي أحصن نفسي قالت لي صم
قلت يمه مشكلتي أصوم وفطر بالليل
قالت أذكر الله بس ونقلع عن وجهي
شكر
وش أقول للوالده (لاحول ولا قوة الا بالله)
مره
نصحت أحد الشباب وقلت له حرام عليك الي تسويه مع بنات الناس
قال :طيب هم راضين
قلت له : بكرا أذ تزوجت بيبلاك الله بزوجتك ولا بالبنات
قال : ومن يقول اني بزوج
قلت ليش
قال :ياحبيبي شي لاقيه ببلاش تبي أتكلف ودفع بعد
امثال الشخص هم بسبب ارتفاع المهور بسبب المتطلبات الزائده
انا ادري ان الزواج شي مهم للبنت البنت ودها بأكبر قصر بأحلى قصر لكن وش الفايده لما أتزوج وحده بأحسن القصور وقعد انا وياها لأربع سنوات نسدد الديون الي علينا .....
الكلام بيطووووووووول لكن من يسمع ....
أدعولي بثباااااااااااااات الفتن كثرة وحنا مابين نارين المهر المرتفع - وبين ذي الفتن
ياشيخ ياليت المهور ينزلون لها أسهم أكتتاب لعالها تنخسف ونقدر نتزوج
يالله أرزقنا الزوجه الصالحه الي تعينا على طعتك وحسن عبادتك
وأقول للينات لاتنسون حديث الرسول فيما معناه (أقلهن مهورا أكثرهن بركة ) معنى الحديث
ربنا هبلنا من أزواجنا وذرياتنا قرة أعين وجعلنا للمتقين اماما
أدعو الله ان يفرج همي ويرزقني آآآآآآآمين
ياجماعه أنشر الموضوع يمكن تقل المهور انشاء الله ونتزوج