السلام عليكم والرحمه


شحالكم .. عساكم بخير وسهاله

من اسبوعين وحده من اهلنا يابت ولد ... فحبيت تكون هديتي من تنسيقي

رحت "هوم سنتر" .. اشتريت سله مستطيلة باللون البني الفاتح

وبعدين رحت "بيبي شوب" واشتريت لبس للبيبي ودبدوب أزرق كبير

وعقب رحت "فوالة" واقلت حق ريلي هات لي حلويات باللون (الازرق) و (الذهبي)

بس قهرنييييي >.< ياب لي ازرق ووردي .. فما استخدمت الا الازرق

المهم .. رحت البيت نفخت السله بورق السالوفان الشفاف .. وحطيت عليه تور بلمعه (أزرق + ذهبي)

ونسقت الهدايا عليه ..

وخليت الدبدوب كأنه ماسك السله

البطاقه بعد من صنعي .. يبت ورق مقوى بيج .. ولفيت عليه شريطة فيها دباديب " ويني ذا بوه "وكنت مسويه حركه حلوه .. يبت عود خشب .. ويبت قطعة صوف.. قصيت منها وردتين .. لصقتهم على العود .. وحطيت لها أعين صناعيه .. والفم كان بالفصوص الكرستال

ولصقت البطاقة عليه >>> بتجوفونه عاليمين ^.^









بس تدرون شو صار *.*

أول ما نزلنا من السياره .. رايحين نودي الهديه ..

عند باب المستشفى .. كان ريلي شال الهديه بإيده اليسرى(اونه عاد بيد وحده)

ما حس بعمره الا وولد صغير يظرب الهديه .. واتي عويه ريلي >.<

قالي والله زين ما سقته بكف عويهه ... قلت له لا حرام صغير ما يفهم

واختبصت كل الهديه .. صارت كلها على داخل

ويوم جفت الهديه مختربه .... عصبت .. قلت له جان صفعته @.@

وكل تعبي اخترب *......*


بس الحمد لله اني صورتها قبل ما يخربها الولد

....أنتظر آرائكم وانتقاداتكم ^.^


أختكم

لمسة فن