هلا والله

ادري ان مش الكل قروا الجزء الاول

بس مشكلتي ما فيني صبر

هذا هو الجزء الثاني من القصة

وانشاء الله يعجبكم

*+*+*+*+*+*+*+*+*+*+*+*+*+*+*+*+*+*+*+*+*+*+*+*+*+ *+*+*
الجزء الثاني


(( أحمر ويه فواز .. ما قدر يتكلم .........))
هدى: فواز .. شفيك ؟؟!!
علياء: انا مالي دخل ... ما سويت شي ....
هدى: فواز ايلس .. كمل غداك ..
فواز: ما أريد ... (( وراح غرقته وقفل الباب ...))
( فاطمة) أم فواز : شو فيكم .. صوتكم واصل برا .. شوفيه فواز ؟؟ .. وليش تتهاوشون ؟!!..
علياء: أنا مالي دخل ..
هدى: امي .. هاي علايه ضايقت فواز ..
(فاطمة) أم فواز: فديت ولدي .. ليش تزعلونه ؟؟.. أنا رايحتله فوق .. وانتوا يلسوا مكانكم .. زين !
هداوي وعلاية: اوكي ..
(( راحت فاطمة غرفة فواز .... دقت الباب ..))
فواز: ما أريد أحد .. خلوني بروحي ...
فاطمة( أم فواز): حبيبي فواز ... ما تبغي أمك تدخل ؟؟!!
فواز: ..................... (( فتح الباب .. أول ما شاف امه .. ما قدر يتحمل ... حضنها ......))
فواز: أمي .. ليش ؟؟ .... ليش ؟؟...!!!.....
(فاطمة) أم فواز: حبيبي فواز .. شفيك ؟؟.. ما أحب أشوفك ضعيف .. ليش ما تواجه الي يصير لك ؟؟ حبيبي .. قولي ولا تخش أي شي عن أمك .. قول كل الي في خاطرك .. وصدقني بساعدك .. أنا كم ولد عندي ؟؟ ما عندي غيرك حبيبي ..

(( فواز يحب راس أمه .. ويحضنها حيل .. يمسك يدها ... ))
فواز: أمي .. تعرفين أني أحب سارة .. والله تضايقت يوم سمعت أن واحد اسمه (( سعيد )) تقدملها .. أنا أريدها .. من خمس سنين وأنا أحبها .. وساره تحبني .. ساره لي أنا .. وما أبغي أي أحد ياخذها مني ..
(فاطمة) أم فواز: فواز حبيبي .. ساره لك أنت ... فديتك والله ..والله وكبروا عيالي وقاموا يحبون .. آآآآآآآه متى أفرح فيكم .. متى أشوفكم تعرسون ...

(( ........... فجأه ...... يدخل (نواف) أبو فواز ,,,,,,,))
( نواف) أبو فواز: هلا والله ... شخباركم .. شو تسوون ؟؟ شو تقولون ؟؟.....
(فاطمة) أم فواز: هلا حبيبي .. هلا بو عيالي .. هلا والله بو فواز .. شخبارك عمري ... حياك تعال ايلس معانا ..
فواز: احم احم ... بدى المغازل .... !! ... عاد مش جدامي ...
(نواف) أبو فواز: هههههه.. شو فيها ؟؟... أم عيالي وتغازلني .... فديتها والله .. يعلني أفداها ...

(( الكل يضحك .. وهداوي وعلايه ماكلنهم الفضول .. يوم سمعوا الضحك ما قدروا يتحملون .. على طول راحوا غرفة فواز .. الكل متجمع في الغرفه .. يسولفون ويضحكون ... الا فواز الي كان يضحك معاهم .. بس تفكيره في سارة .. ,,,,,,,,,,,,..... أذن العصر .. راح فواز مع أبوه المسجد .. صلوا العصر ورجعوا ...وفواز طول الطريق عينه على بيت ساره .. دخلوا البيت .. فاطمه وبناتها صلوا العصر وحطوا الفواكه والسويت .. وينتظرون فواز ونواف ...

نواف وفواز: السلام عليكم ...
فاطمه وهداوي وعلاية : وعليكم السلام ..
(( يلسوا كلهم ياكلون .. وفواز يطالع هدى .. ويلمح لها أنه يبغي يكلمها ... هدى فهمت السالفة .... استأذن فواز .. وراح غرفته .. ))
هدى: الحمد لله .. نعمةً دايمه انشاء الله .. عن أذنكم .. بروح فوق ..
علياء :: ايي معاج ؟؟
هدى : مممممممم ... لا ......... (( وراحت تركض فوق ))
(فاطمة) أم فواز: شو السالفة ؟؟؟
(نواف) أبو فواز: والله ما أدري .. ...... أشوف عيالنا قاموا يخشون سوالفهم عنا !!! ...
علياء: أبويه .. أروح أشوفهم وأتسمع ..!!؟؟..
(فاطمة) أم فواز : لا حبيبتي عيب .. يعني ما ينلام فواز يوم يقولج (( رادار )) ...
(نواف) أبو فواز: حبيبتي علاية .. عيب الواحد يتجسس ويراقب غيره .. الله ما يرضى ..حبيبتي أبغيج تكونين مؤدبه وحبوبه .. أبغي الكل يحبج ويذكرج بالخير .. ما أبغي أي حد يغلط عليج .. ولا تغلطين على أي حد ..

(( قامت علايه وحضنت أبوها .. وحبته على راسه ..))
علياء: أبويه .. أنا آسفه .. وما بعيدها مره ثانيه ..
(نواف) أبو فواز: فديتج .. الحين تعجبيني .. يالله وحبي أمج عراسعا ..
(فاطمة) أم فواز: تعالي حبيبتي .. فديت بنتي المطيعة .. انشاء الله دوم ..
(نواف) أبو فواز: يالله .. آخر العنقود لازم ندلعها ...


(( في غرفة فواز))
هدى: هلا والله ..
فواز: هداوي .. تعالي ابغيج في سالفه ..
هدى: شو السالفه .. ما خليتني اتهنى بالسويت ..
فواز: والله آسف .. بس أبغي أكلمج ..
هدى: لا لا أمزح معاك ..
(( فواز يمسك يد اخته .....))
فواز: هداوي حبيبتي .. أنتي أختي الي أعزها وأخترمها وأحبها .. اختي العاقله الرزينه الطيبه .. أبغيج تساعديني .. أخوج محتاج لج ..
هدى: فواز عمري .. شفيك ؟؟ .. أن وياك .. وبساعدك دايما .. بس ما أحب اشوف أخوي الوحيد متضايق ومتكدر ..
فواز: فديتج والله .... هداوي ... بتكلمين (نورة ) اليوم ؟؟
هدى: انا أكلمها كل يوم .... ليش ؟؟
أبغي نورة تقول لأختها سارة تفتح المسنجر .. هداوي حبيبتي .. أنا أحب ساره .. واليوم يوم عرفت أن واحد أسمه سعيد تقدملها .. تضايقت ... أبغي أكلمها .. أبغي أعرف أذا بتوافق عليه أو لاء ..
هدى: بس هذا هو الطلب !! .. أفا عليك .. شي بسيط .. الحين أدقلها وأكلمها ..
فواز: فديتج والله .. بتعبج معاي ..
هدى: فوازووه .. لا تقول جذيع .. أنت تعبك راحه .. دلوع البيت وما نرفض لك طلب ..
فواز: ههههههه .. فديتج والله .. يالله بسرعه قوليلها .. مافيني صبر .. أنا الحين رايح أفتح المسنجر .. وأنتظر حبيبتي ساروه ..

(( اتصلت هداوي بيت نورة ..))
هدى: ألو .. السلام عليكم ..
عمر: هلا والله ..
(( هدى مرتبكه .. : نورة موجودة ؟؟
عمر: مممممـ ,, هيه موجوده ... شو ما تبغين تكلميني ؟؟
هدى: .........................
عمر: هههههه .. ليش ما تردين ؟؟ .. شو مستحيه ..!! .. خلاص خلاص .. هذه نورة ..
نورة: هلا حبيبتي ... شخبارج .. أونه عاد .. كلمت الحبايب .. ههههههه
هدى: نورووووووه .. بس عاد .. أبغيج في سالفة ..
(( هدى خبرت نورة أن فواز يبغي يكلم سارة في المسنجر ... ))
نورة: أوكي .. الحين أخبرها ... باي ..
هدى: باي ..

(( راحت نورة غرفت أختها سارة ... دقت الباب .....,,,,,..... سارة تعبانه وتوها قايمه من النوم .. فتحت الباب ..))
نورة: ساروه .. افتحي المسنجر .. الحبايب يبغون يكلمونج ...
ساره: مالت عليج وعليه ... أنا ما احبه .. ما أريده .. كيفي ..
(نوره مصدومه ): حرام عليج .. شو سوالج ؟؟ ليش تعاملينه جذيه !!!..
(( ساره والدموع في عينها )): حرام والله حرام .. أنا ما أريده ..
(( ساره حظنت نورة .. وقعدت تصيح ....))
نورة: حبيبتي ساروه .. بس عاد .. هدي شوي .. انزين شو رايج يوم تكلمينه في المسنجر .. تقوليله كل شي .. وتفهمينه انج ما تبغينه ... وصدقيني هو بيتفهم الموضوع ..
سارة: يعني رايج أني أفتح المسنجر وأكلمه ؟؟!!...
نورة: هذا هو الحل .. يالله امسحي دموعج .. اسمع صوت أمي وأبوي ..
سارة: اوكي .. أنا بصلي العصر وبفتح المسنجر .. الله يستر ..

(( يدخلون ..(سيف ) أبو عمر ...... و (خلود) أم عمر ,,,, ))
(سيف) أبو عمر : هلا والله ببناتي الحلوات ..
نورة : هلا والله أبويه .. هلا والله أمي .. نورتوا الغرفة ..
سارة: أهلين أمي وأبوي .. حياكم ..
(خلود) أم عمر: هلا حبايبي .. ها ,, شو رايكم نروح البحر ..
نورة: أنا موافقة ..
سارة: اعذروني .. والله تعبانه شوي .. وعندي امتحان باجر ..
(سيف) أبو عمر: ما تشوفين شر حبيبتي .. ارتاحي عدل .. الله يوفقج وينجحج
(خالد ) .. ((أخوهم الصغير .. آخر العنقود )) : بابا ..بابا .. أنا ابغي اروح البحر ..
(سيف) أبو عمر : أكيد حبيبي .. بنوديك معانا ...
(خلود) أم عمر : سيوف حبيبي .. يالله قبل لا يصير المغرب علينا ..
(سيف) أبو عمر : يالله عمري .. طالعين ..

(( راحوا كلهم البحر .. الا عمر وسارة .. عمر طلع مع ربعه .. وساره صلت ويلست عالمسنجر .. ))


,,
(( فواز يحليله .. ينتظر ساعه كامله .. وفجأة .. ترررررررررن .. دشت ساره المسنجر .. وفواز كان بيطير من الفرحه .. على طول كتب : هلا حياتي .. شخبارج ؟؟
ساره : بخير ... شو تبغي مني ؟؟
فواز: ساروه حبيبتي .. شفيج ؟؟ ليش متغيره علي ؟؟
سارة: شو متغيره ؟؟ .. أصلا أنت ماتعنيلي أي شي .. أنا ما أحبك .. أنا أحب واحد ثاني .. حرام عليك ..
فواز: يعني عقب هالسنين كلها .. وعقب الضرابه الي صارت .. وحبي لج .. نستيني ؟؟ .. نسيتي اللحظات الحلوه .. نسيتي فواز ؟؟!!....
سارة: وأنت شدخلك بفواز ؟؟ ... اسمع .. أنا أحب فواز .. وما أبغيك تغلط عليه بأي كلمه .. فاهم !!,,,,,, باي ..

(( طلعت سارة من المسنجر .. وتقول في خاطرها ..(( أنا ما أبغيك يا سعيد .......)) .....

(( فواز انصدم أن ساروه طلعت فجأه من المسنجر .. بس فهم انها تتحراه سعيد الي يكلمها .. فواز محتار شو يسوي ... !! .. يلس يفكر ويفكر ... راح غرفة هدى .. دخل .. شافها تذاكر ..
هدى: هلا والله فواز .. ها بشر .. شو صار ؟؟!!...
فواز: ممممممـ ماشي .. هداوي حبيبتي .. أنا عطشاااااان .. وأبغي ماي بااااااااااااارد ..
هدى: من عيوني الثنتين .. أخوي وأحبك .. شسوي !!...

(( طلعت هدى من الغرفه .. وفواز بسرعه فتح تليفون هدى .. وأخذ رقم ساره .. وخزنه في تليفونه باسم (( قطوتي )) ..... ورجع تليفونها مكانه .. وطلع بسرعه .....

(( اتصل فواز بسارة .....))
( سارة تشوف رقم غريب ...: ألو ...
فواز: هلا عمري ....
سارة: ..؟؟؟....؟؟.. منو أنت ... منو تبغي ؟؟... ..........

فواز : ....<<<<<<<<<<<<<<<<



البقية في الجزء الثالث ..

*+*+*+*+*+*+*+*+*+*+*+*+*+*+*+*+*+*+*+*+*+*+*+*+*+ *+*+*


اختكم
لمسة فن