فز الخـــفوق ورفــــت الــعين منــــه = ريم الــفــلا يـــوم بحســـنه بلاني
كلما وقـــف جــريــت با لــقــلب ونه = وكلمــا مــشى كــنه بصدري وطاني
واليـــا تلفــت ينفـــــح المــــوج عنه = شايل بحور الليل واللـــيل جـــــانــي
معروف زولــه يبــهــر الــشــوف كنه = بــرق تــلالا فوق الامــــزان دانـــي
خــده كــما شــط عــلــىجال جنه = واصــابعـــه شـــمــع يــزين الـصواني
لا سلــهم بعينــه ســـبا النــاس فنه = يرســم بــها شــمس وغـروب و معاني
ولامن ضحك يشرق على الكون سنه = يخفي بنوره كل شموس الــغــوانـي
ولا من حنا غـصنه وسولف يجنـه = كل العــذارى طالــبيــن الامـانــــي
ولا من هداه اللـــه وســلــم بمنه = كــل يمــد ايـــد العــجــب بــالتفـاني
واللي لمح عينه بعينــه غـزنه = اســهام رمشه مثل سيــف الــيمـاني
يفني خلود قلوب له مستكنه = ولــه يتخلــد بــالــهوى كــل فانــي
والـشوق فيني ذايب دون ظنه = الــقلــب ثــلج والهــوى شمس ثاني
والله يستر من قليل الــمحنه = حتـى ظــلالي لــه حســدني مكــاني