هلا والله .. شخباركم ..

اقول .. انا أحب اكتب مواقف واتخيل اشياء وأحداث ... فألفت هالقصة ..

طبعا بين كل فترة وفتره بحطلكم اجزاء منها .. هذا الجزء الاول .. وانشاء الله يعجبكم ..

*+*+*+*+*+*+*+*+*+*+*+*+*+*+*+*+*+*+*+*+*+*+*+*+*+ *+*+*+*+*

(( قام فواز من النوم .. شاف الساعة ..>>>> 8.30 ))
فواز: هاااااااااااااااا .. أبيييييييييه .. تأخرت ساعة عن الدوام ...
(( قام فواز .. لبس ثيابه وخذ مفتاح السيارة وطلع بسرعه .. حتى ويهه ما غسله ...))
(( فاطمة )) أم فواز: ... فواز .. بلاك عيونك متنفخه .. جنك مش غاسل ويهك .. .. تريقت ؟؟
فواز : توني قايم من النوم .. وبتريق في الدوام .. تأخرت ,,
(( فاطمة )) أم فواز: أخيييييييييييه .. ياريحة حلجك .. غسلت أسنانك ؟؟؟
فواز: هههههه .. أمي انا مستعيل .. ومتأخر ساعه كامله عن الدوام .. بااااااي ,,,
(( ام فواز تمسك فواز من ايده ))
(( فاطمة )) أم فواز: قوم قوم .. الحين جدامي تغسل أسنانك وويهك .. ولّا تبغي تدوخ الي وياك في الدوام من ريحة حلجك !!!
فواز: خخخخخخخخ .. عادي متعودين ... أقول .. بتأخر زياده لو رحت اغسل ..
(( أم فواز تقرص فواز من اذنه ...))
(( فاطمة )) أم فواز: بتروح تغسل أسنانك ولا لاء !!!
فواز: آآآخ آخ .. أي .. اوكي اوكي .. والله بروح ..بغسل .. وأمري لله .. اكيد بينتفني المدير ..
(( راح فواز فوق .. غسل أسنانه وويهه .. وطلع من البيت ,,,,,,,,,,,,,,,, وهو طالع .. شاف سارة .. ,,, .. وقف مكانه وقعد يطالعها .. لين دخلت بيتها ..))

<<< سارة وأهلها ساكنين في البيت الي يقابل بيت فواز واهله ,,,,,

(( فواز واقف مكانه وسرحاااااااااااان ............ فجأة ,,,,,,,,,, يحصل فواز بكس عراسه ,,,,,,,,))
فواز: اخ .. منو ظربني ؟؟؟؟ ........(( يلف فواز وراه .. يشوف أمه واقفه وتطالعه ...))
فواز: أمي .. خوفتيني الله يهداج .. شو السالفه ,, ليش طالعه برا .. ,,,, والله ظربتج تعور ..
(( فاطمة )) أم فواز: أنا رايحه بيت جارتنا (( أم سارة)) ... وتعال تعال .. انت ما تقول انك متأخر عن الدوام !!!!
فواز: ها .. اوه صح .. أنا متأخر ,, أقول .. أوصلج بيتهم ..
(( فاطمة )) أم فواز: شو توصلني !! .. ما جنه خطوتين بين بيتنا وبيتهم .. روح روح الدوام قبل لا ياكلونك هناك ...
فواز: هههه .. ياكلوني !! ,, والله شوي عليهم .. قولي بيكفخوني ويطيروني المريخ .. أقول ,, سلميلي على ساروه الحلوة ..
(( فاطمة )) أم فواز: لااااااا .. انت الصراحة تبغي قرصه في اذنك الثانية ..
(( يضحك فواز .. ويركض صوب سيارته .. ويسير الدوام ......... وصل الشركة .. .. دخل وهو يتلفت يمين ويسار ........))
فواز: الحمد لله .. المدير محد .. خلني اسير مكتبي قبل لا يعرف اني متأخر اليوم ..
(( المدير من ورا فواز... )) : لا حبيبي .. عرفت وخلصت .. يالله بسرعه على مكتبي .. عندي كلام وياك ..
(( فواز وهو مبوز )): انزين .. انزين ..... الله يعينني ..

(( دخل فواز عند المدير ,, وحصل له محاضره عدله .. وخصموا من راتبه 5% .. لأنه دايما يتأخر ,,,, يحليله ))

>>>> طلع من عند المدير وهو ميت قهر ... دش مكتبه .. وسلم على محمد..
((زايد... أعز أصدقاء فواز .. ومعاه في نفس الكتب ..))

زايد: أهلين حبيبي .. نور المكتب .. طبعا متأخر كالعادة ..
فواز: هلا والله .. مالت هلى هالمدير .. خصم من راتبي 5% .. وأنا يدوب يكفيني هالراتب لآخر الشهر ..
زايد: هههههههه .. الي يشوفك يقول عنده حرمه وعيال .. ولا وبعد أحفاد .. الله يعينك .. تعال تعال جابل شغلك احسن لك ..
فواز: زيووووود.. اليوم قلبي نقز من مكانه .. يوم شفت ساروه ..
زايد: ياسلاااام عالشاعري يوم يتحلم بسارة .. انت للحين تحبها !! مانسيت المشاكل الي صارت بسبتها ؟؟؟
فواز: زيودووووه .. لا تغلط .. هي مالها دخل في هاييك السالفه .. وأنا لو شوماصار .. أحبها ومستحيل أستغنى عنها .. وبتزوجها ..
زايد: بسم الله .. اوكي .. أنا ما قلت شي .. حبيبي حبها .. موت فيها بعد .. الله يوفقك معاها .... كلتني بقشوري ..
((فواز و زايد يظحكون ....))

<< في بيت سارة ...(( سارة يالسه في غرفتها .. زعلانة ,, لأنها سمعت خبر ما عجبها ... قعدت تفكر بمستقبلها ,,, سارة ما تبغي (( سعيد )) .... ساره تحب (( فواز)) ..,,,, تذكرت المشكله الي صارت بين اهلها واهل فواز .. قبل ثلاث سنوات .. ..... طاحت دمعة حارة من عينها ...

سارة : ما اريد سعيد .. ما أريده ... أنا احب فواز .. وما ابغي غيره .. ..... ... (( حطت راسها عالمخده .. وقعدت تصيح ليييييييين نامت ....))

><><><><><
(( رجع فواز البيت .. غير ملابسه ويلس يتغدى مع علياء .. )))
هدى(( أخت فواز )) : السلام عليكم .. مساء الخير ,,,
فواز: أهلين يالدبه .. وينج .. متأخره اليوم في الكلية ..!!
هدى: هلا والله يالدب .. تأخرت لأن اليوم تسليم البروحكت ..
علياء (( أختهم الصغيرة )) : وعليكم السلام .. أقول ,,,, بقول لكم سالفه ...
فواز: قولي .. قولي يالدبه .. يالرادار المحلي ..كككككككـ
هدى: هههههههـ... اشتغلت وسائل الأنباء ..
فواز: خخخخخخخ،، لا لا ,, نشرة الأخبار ... ككككككككـ
هدى: هههههههه
علياء: اوكي اوكي .. ما أكلمكم .. ولا بخبركم السالفة الي صارت اليوم ...الي سمعتها من أمي ..
فواز: هههه .. حبيبتي نمزح معاج .. وهاي بوسة اعتذار عراسج الكبير .. أموااااااااااح ,,,,
علياء : يععععععع .. خيست راسي .. هههههههه ,, أمزح
فواز: مالت عليج .. أنا الكل يتمنى بوستي ..
هدى: بس بس .. يالله عاد .. ابغي اعرف السالفه ..
علياء: أوكي يالفضوليين .. اليوم .. يوم رجت من المدرسة .. سمعت أمي تكلم أبوي عن جيرانا .. تقول أمي أن سارة خطبها واحد اسمه (( سعيد )) ...
((( قام فواز من مكانه .... فاتح عينع وحلجه .. منصدم ... واقف ولا يتحرك ...........................و,,,,,,,,,



التكملة في الجزء الثاني .....

*+*+*+*+*+*+*+*+*+*+*+*+*+*+*+*+*+*+*+*+*+*+*+*+*+ *+*+*+*+*+*+

ها شورايكم !! ...
أعرف أألف ؟؟؟ ,,,,,, أنفع اكون روايه خخخخخخخخخ !!



اختكم,,
لمسة فن