 مواقف استوت لي بالجامعه
السلام عليكم
شحالكم
اول شي يبالهن حد متفيج يعني يقرا بدون مايتملل
ولا يقرا على الخاطف
بكتب لكم المواقف اللي استوت لي في الجامعه
كلهن مواقف محرجه وايد ومناك طماشه والله اللي يستوي لي
الموقف الاول :
يوم الاثنين كان وعندي مساق الساعه5 العصر
مساق بس ساعه وخلاص اسمه مهنه . المهم عندي ربيعتي اسيره الدموع واسيره الحب واتاشا وبنت الايوادي ( مب مشتركات في هالمنتدى بس هن من الشله ربيعاتي من المدرسه )
المهم قالوا لنا الدكاتره ترا دكتورين يدرسون هالمساق ، قالوا لنا بنروح مبنى اليديد عشان يجمعونا حن وكلاس ثاني ، المهم رحنا حن نظرب خط لين المبنى وعقب ركبا الدري لانه الطايج الثالث كلاسنا بيكون فوق ونمشى في الممر في الطابج الثالث ني امشي جدام اسيره ورايه تمشى ونتكلم
عقب الصدمه هنيه
اسيره تمشى ورايه وتدوس جوتيه كان جوتيه مفتح يعني دخل ريل بسرعه واطلعه
ني ماححسيت غير الدعنه ( الارض ) بارده طلعت امشى بالسرميك وعقب التتفت ورايه اشوف الجوتي شوي بعيد
وتميت اضحك وني ارد لورا امشى ابا البس جوتيه واسيره تمت تضحك علي تبا تموت من الي استوا لي والبنات يشوفن
ورحت اضربها على كتفها اقول لها غربلاتك كيف تدوسين جوتيه
وني امشي اشوف جدام اسيره دكتور بغينا نسوي اكسدنت ( حادث) خخخخ
ني يالسه اسبها واضحك واهي تضحك نوبه
وبس
الموقف الثاني :-
عندي دوام في مبنى 71 هذا مبنى جديم وايد من سنت الحصي ..... المهم اهو فيه طابجين ومن غيرالارضي
عاد ني اكره هالمبنى مووت مايعيبني ولا كل خذيت فيه أي مساق خاصه الطابج الثاني
رحت قبل لا اروح الكلاس كتبت مكان الكلاس ويعني رقم الكللاس كم
وبعدين رحت للمبنى
ني ركبت الدري ( الدرج ) وماشاءالله عليه تعرفون وين رحت مارحت الطايج الثاني رحت السطح
تخيلوا السطح رحت
وقبل لا اوصل السطح انتبهت اني خطفت عن الطايج الثاني وانصدمت ونزلت عشان ارد الطابج الثاني
والصدمه دكتور توه يبا ينزل للطابج الثاني في ويهي لجيته وعقب تمينا نتبادل النظرات اهو مستغرب وش مسيرني السطح وني منصدمه مناك
عقب روح اهو ني كملت طريجي للكلاس
بس ماخلص هنيه
مكتوب رقم الكلاس عندي 125وتميت ادور المبنى كله ادور الكلاس على انه لي 3 سنه في الجامعه بس هذا المبنى اللي مارحت له
ودورت نزلت تحت واخر كلاس رقمه 122 وني اقول كيف كيه
وعقب خطف الوقت الساعه 4 يعني نص الوقت فاتني من الكلاس
وقلت بروح ومنقهره ييت خساره واخر شي ماحضرت
المهم روحت ويوم وصلت البيت فتحت الاب توب عشان اعرف الكلاس اكسد فيه غلط
طلعت ني المغلطه كتبت رقم الكلاس مال مبنى ثاني وكلاس ثاني
واصلا الكلاس رقمه 115
خخخخخخخ
الموقف الثالث والاخير
الكورس اللي فات استوى لي
ني واسيره عندنا كلاس الساعه 12 وثلت ورحنا المبنى وصلنا لجينا بنتين ربيعاتنا دفعات ثانيه
المهم سلمنا عليهن
وركبنا اللفت ( المصعد ) وعقب ماطاع اللفت يتحرك ولا شي موجف قلنا اكيد خربان
ني والبنت الثانيه نزلنا واسيره والبنت الثالثه هناك
ويوم نزلنا تحرك اللفت وحن استغربنا
عقب ركبنا لفت ثاني لانه لفتين هناك قرب بعض
البنت نزلت الطابج الاول وني كلاسي الطابج الثاني
المهم يوم البنت نزلت البنت شفت بنتين يبن يركبن عندي عشان ينزلن وني رحت اضغط على اللفت عشان يوجف بس ماوقف عقب حطيت ريلي بالنص عشان مايصكر الباب مال اللفت
والمهم ماطاع عقب قالت البنت خلاص طبيه بنتريا عقب
بس عقب اللفت سكر ولا طاع يتحرك
اخترب
خخخخ
وني وش اسوي اطلع التلفون واتصل بس ماشي ارسال داخل اللفت
وفيه جرس للانذار يوم يسكر اللفت عليك
المهم تميت اسوي الجرس
والحمدالله اللفت كله جزاز ( زجاج ) بس الباب طبعا
المهم قلت لها بالاشارات انه مسكر اللفت ولا طاع يفتح
وعقب سوت لي حركه " صبر الحين بقول لعامل "
وسيده راحت للعامل وعقب فكه لي الحمدالله وشكرت البنت ورحت الكلاس
بس 15 دجيجه باللفت
وكيه
خلاص
انشاءالله يعيبنكم المواقف
شجون
|